भांगरभूंय | प्रतिनिधी
गिमाच्या दिसांनी तोंड जायते फावट सुकता. थोडें चलल्यार वा सोपणां चडल्यार थकता वा अशक्तताय जाणवता. गिमाच्या दिसांनी तापमान वाडिल्ल्यान अशे तरेचीं अशीं लक्षणां सैमीक आसतात. भलायकी बरी आसल्यार ह्यो समस्या सामान्य दिसतात. मात, जांकां हाय ब्लड प्रेशर, गोडेंमूत, संधिवात वा दमो आसल्यार गिमाळ्यांत तांची समस्या आनीक वाडूंक शकता हें तुमकां खबर आसा? उश्णताय वाडिल्ल्यान बीपी दुयेंतींक जायत्यो समस्या येवंक शकतात. जेन्ना भोंवतणचें तापमान वाडटा तेन्ना शरीर रगताचे पेशीचे निर्मिती वरवीं स्वताक थंड करपाचो यत्न करता. हाका लागून ब्लड प्रेशर उणो जावपाक शकता.
लो ब्लडप्रेशर (हायपोटेन्शन) : गिमाच्या दिसांनी घाम येवप, कुडींत उदक आनी विटामिनांचो उणाव जाल्यार रगतदाब उणो जावंक शकता. हाका लागून चक्कर येवप, तकली दुखप, थकप अशे त्रास जावपाक शकतात.
हाय ब्लड प्रेशर (उच्च रक्तदाब ): चड उश्णतायेक लागून कुडीक सगळ्या अवयवांक रगत पुरवण करपाखातीर चड कश्ट करचे पडटात. हाका लागून ब्लड प्रेशर वाडपाक शकता. घामाक लागून कुडींतलो खनिज समतोल खंडीत जावंक शकता आनी ताका लागून ब्लड प्रेशर वाडूंक शकता.
गोडेंमुताची समस्या: उश्णतायेक लागून हवामानांत बदल जाताच, मात गोडेंमूताच्या दुयेतींचेर ताचो परिणाम जाता. खासा करून तापमान ३५ अंश सेल्सियस वयर वता तेन्ना कुडीच्या पचनांतूय बदल जावंक लागता. उश्णतायेक लागून कुडींत निर्जलीकरण वाडटा आनी ताचो परिणाम साकर पातळेचेर जाता.
हायपोग्लायसेमिया (रक्तांतली साकर उणी): घामाक लागून कुडींतलें उदक उणें जाल्यार, इन्सुलिनाक लागून रगतांतली साकर अचकीत उणी जावपाक शकता. हाका लागून अशक्तपणां, घुंवळ येता आनी तकली दुखता.
हायपरग्लायसेमिया (रगतांतली साकर वाडप): घामाक लागून इलेक्ट्रोलाइट्सचे लुकसाण जाल्ल्यान आनी ऋतू प्रमाण वखदांचो योग्य डोस घेवंक नाशिल्ल्यान रगतांतली साकरेची पातळी वाडपाक शकता.
संधिवाताच्या दुयेतींक समस्या: गिमांत शरीराच्या सांधिंचेर सरळ परिणाम जाता. विशेश म्हळ्यार जे लोक ऑस्टियोआर्थरायटिस, संधिवात वा हेर सांधे रोगांनी त्रासांत आसात. जसो हवामान गरम जाता तशी शरिरांतली हायड्रेशन पातळी, रगत भोंवप आनी इलेक्ट्रोलायट संतुलन बदलपाक शकता.हाका लागून सांधेदुखी, खरपणां आनी सूज हाचेर परिणाम जावपाक शकता.
उश्णतायेक लागून शरिरांत हुप मारिल्ले वरीं जाणवपाक शकता, जाका लागून अचकीत सांध्यांनी सूज आनी दुख वाडपाक शकता. गिमाळ्यांत, सोडियम आनी पोटॅशियम सारकिल्ले गरजेचे इलेक्ट्रोलाइट्स घामा वरवीं शरिरांतल्यान भायर काडटात. हाका लागून स्नायूंत पेटके, सांधे खर जावप आनी अशक्तपाण येवपाक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
