भांगरभूंय | प्रतिनिधी
पणजी ः वाळपय शस्त्रक्रिया करून गायेच्या पोटांतल्यान 15 किल प्लास्टीक येसस्वीपणान भायर काडलें. हाका लागून गायेच्या जिवाक आशिल्लो धोको टळ्ळो. ही गाय अन्न खायनासतना रस्त्या कुशीक न्हिदिल्ली मेळ्ळी. ते उपरांत तिका श्रीराम गोशाळेत हाडली.
वैजकी तपासणेंत गायच्या पोटांत व्हड प्रमाणांत प्लास्टीक आशिल्ल्याचें दिसून आयलें. गोशाळा वेवस्थापन आनी पशुवैजकी खात्याच्या संयुक्त यत्नांक लागून शस्त्रक्रिया करून वट्ट 15 किल प्लास्टीक तिच्या पोटांतल्यान भायर काडलें.
हे घडणुके उपरांत गोशाळेच्या वांगड्यांनी नागरिकांक प्लास्टीक कोयर रस्त्यार उडोवंक नाकात असो उलो मारला. तशेंच अशा घडणुकांचेर आळाबंदा हाडपा खातीर सरकारान खर उपाय करचे अशीय मागणी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
