भांगरभूंय | प्रतिनिधी
पणजी, प्रतिनिधी ः पणजी पाटो पुलाचेर आयज सकाळीं ड्रायव्हराचें गाडये वयलें नियंत्रण सुटिल्ल्यान गाडयेचो पुलाक धपको बसलो. ह्या अपघातांत एकलो जखमी जाला. ताका उपचारा खातीर जीएमसींत दाखल केला.
एमएच-29 बीव्ही- 7056 क्रमांकाची गाडी सकाळीं सुमार 9.30 वरांचेर पणजे सावन दिवजा सर्कलाचे वटेन वताली. मुखेल टपाल खात्या लागसार वाहन चालकाचो गाडये वयलो ताबो सुटलो आनी गाडी पाटो पुलाक आपटली. हातूंत गाडयेचें लुकसाण जाले. तशेंच पुलाचो कांय भाग मोडून पडलो. पुलिसांनी पंचनामो करून फुडली चवकशी सुरू केल्या. मजगतीं, ड्रायव्हर सोरो पियेवन गाडी चलयतालो आसूं येता असो मुळावो अदमास पुलिसांनी उक्तायला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
