भांगरभूंय | प्रतिनिधी
दोगांक अटक, देड लाखांचो गांजो जप्त
म्हापशें, प्रतिनिधी ः कोलवाळ पुलिसांनी गणेशनगरांत ड्रग्स विरोधी कारवाय करून देड लाख रुपया मोलाचो देड किल गांजो जप्त केलो. म्हापशेंचे एसडीपीओ जिवबा दळवी हांणी ही म्हायती दिली. काल मध्यान रातीं ही कारवाय जाली.
ह्या प्रकरणांत अमित कुमार सोंकर (21, गणेश नगर) आनी दिनेश सोनी (27, खडपावाडो, कुचेली) हांकां अटक केल्या. तांच्या कडल्यान गांज्या सयत डिओ स्कुटर (जीए -03- एएन-1101) आनी दोन मोबायल फोन पुलिसांनी जप्त केल्यात. दोनूय दुबावीत सध्या पुलिसांच्या ताब्यांत आसात.
ह्या धाड प्रकरणांत कोलवाळ पुलीस निरिक्षक विजय राणे हांच्या मार्गदर्शना खाला उपनिरिक्षक रोहन मडगांवकार, उप निरिक्षक कुणाल नायक, मुखेल हवालदार रुपेश कोरगांवकार, मुखेल हवालदार पांडुरंग नायक, हवालदार संदीप मलिक, हवालदार रोहन शिवोलकार आनी हवालदार जगदीश ठाकूर हांचो आस्पाव आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
