भांगरभूंय | प्रतिनिधी
फ्रान्सीस सार्दीन: चिंचोण्यां बसयले ससीटीव्ही कॅमेरा
मडगांव: मोदी सरकारान कोवीड काळांत दोन फावटी खासदार निधी उपलब्ध करून दिल्लो ना. खासदार निधी हो लोकांच्या आनी विभागाच्या विकासा खातीर आसता. पंचायतींची कसलींय कामां आसत जाल्यार प्रस्ताव सादर करचे. गरजेचीं तीं कामां जातलीं अशें खासदार फ्रान्सीस सार्दीन हांणी सांगलें.
चिंचोण्यां देवसू गांवांत सार्दीन हांच्या खासदार निधींतल्यान सीसीटीव्ही कॅमेरा बसयले. ह्या कॅमेऱ्यांचें उक्तावण शुक्रारा जालें.
ह्या वेळार खासदारा सयत आमदार क्रुझ सिल्वा, जिल्हो पंचायत वांगडी ज्युलिओ, सरपंच वालेंतिनो बर्रेटो, फ्रँक व्हिएगश हांचे सयत पंच वांगडी हाजीर आशिल्ले.
सार्दीन हांणी मुखार उलयतना सांगलें, गांवांतल्या नागरिकांचे सुरक्षीततायेचे नदरेंतल्यान सीसीटीव्ही कॅमेरे बसयल्यात. पुलिसांकूय ह्या कॅमेऱ्यांच्या माध्यमांतल्यान गुन्यांवांचो तपास करपाक सोंपें जातलें. सीसीटीव्ही कॅमेरे बसोवन जाल्ले आसले तरी ताची देखभल, दुरुस्ती करपाची जापसालदारकी गांवांतल्या लोकांची आसतली.
सरपंच वालेंतिनोन म्हणलें, खासदारान चिंचोणें वाठारांत सीसीटीव्ही कॅमेरे बसयले तशेंच वेळ्ळीच्या हेर वाठारांनीय बसोवचे. चिंचोणें बायपासाचो प्रस्न अजून लेगीत प्रलंबीत आसा. खासदारान केंद्रीय मंत्री नितीन गडकरी हांची भेट घेतल्यार चिंचोणें गांवांतलीं खूबशीं घरां वाटावतलीं. हे खातीर यत्न करचे अशी मागणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
