भांगरभूंय | प्रतिनिधी
भांगरभूंय । प्रतिनिधी
माशेलः खांडोळ्याच्या सरकारी उच्च माध्यमीक विद्यालयांत वेदांता संगणक प्रयोगशाळेंचें उक्तावण कला आनी संस्कृती मंत्री गोविंद गावडे हांचे हस्तुकीं उक्तावण जालें. डिजिटल आनी संगणक शिक्षणाक उर्बां दिवपा खातीर वेंदातान हो उपक्रमच चालीक लायला. तांणी सुरू केल्ली ही चवथी प्रयोगशाळा आसा.
उक्तावण कार्यावळीक व्हीएबी वेदांताचो सीईओ सप्तेश सरदेसाय, बेतकी-खांडोळ्याची सरपंच लीना वेरेकार, विशांत नायक आनी शिक्षक आनी वेदांताचे अधिकारी हाजीर आशिल्ले. हे प्रयोगशाळेचो लाब खांडोळें विद्यालयांतल्या 657 विद्यार्थ्यांक जातलो. वेदांताचे संगणक आनी डिजिटल शिक्षण राज्यांतल्या दोन हजारां परस चड विद्यार्थी आनी तरणाट्या मेरेन पावलां. अनिल अग्रवाल फावंडेशना खाला वेदांताच्या मूल्ववर्धीत उपक्रमांच्या माध्यमांतल्यान वेवसायीक, समाजाकी जापलदारी (सीएसआर) म्हणन हो उपक्रम कंपनी चालीक लायता.
वेदांताच्या सीएसआर उपक्रमाची तोखणाय करतना गोविंद गावडे हांणी सांगलें कीं, खांडोळे माध्यमीक विद्यालयांत संगणक प्रयोगशाळा सुरू केल्ले खातीर आपूण गोंय सरकारा वतीन वेदांताचे उपकार मानतां. वेदांता शिक्षणाच्या मळाचे उदरगती खातीर म्हत्वाचें योगदान दित आसता. शिक्षणीक जापसालदारी कशी घेवप आनी ते खातीर प्रगतीचे दिकेन कशी वाटचाल करप हाची वेदांतांक खबर आसा हें हातूंतल्यान स्पश्ट जाता अशेंय तांणी सांगलें.
वेदांताच्या मूल्यवर्धीत वेवसायांत समुदाय उदरगत होच आमच्या कंपनीचो सेवा तत्वज्ञानाचो म्हत्वाचो गाबो आसा. आशीकुशीच्या समुदायाचेर सकारात्मक प्रभाव घालपाचो आमचो यत्न आसता अशें सप्तेश सरदेसाय हांणी सांगलें. डिजिटल लर्नींग आनी संगणक शिक्षण ही विद्यार्थ्यां खातीर उत्कृश्ठ करपाची एक गुरूचावी आसा. तंत्रगिन्याचेर आदारीत जग नेटान प्रगत जायत आसा अशें लीना वेरेकार हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
