भांगरभूंय | प्रतिनिधी
खबरां संस्था
नवी दिल्लीः भारताचो क्रिकेट खेळगडो सुरेस रैनान क्रिकेटीच्या सगल्या फॉर्मेटांतल्यान निवृत्त जावपाची घोशणा केल्या. रैनाक ताचे आक्रमक बॅटिंगे खातीर क्रिकेट मळांत वळखतात. हाचे पयलीं ताणे आंतरराष्ट्रीय क्रिकेटींतल्यान निवृत्त जातां म्हणपाचें जाहीर केल्लें.
क्रिकेटीच्या सगल्या फॉर्मेटांतल्यान निवृत्त जावपाचे ताचे घोशणेक लागून क्रिकेट मोगींक अजापाचो धपको बसला. निवृत्ती जाहीर केली तरी वेगवेगळ्या देशांतल्या क्रिकेट लीग मॅचींनी तो खेळटना दिसपाक शकता. रेनान ही म्हायती दिल्या. 15 ऑगस्ट 2020 दिसा ताणे एम एस धोनी वांगडा आंतरराष्ट्रीय क्रिकेटींतल्यान संन्यास घेतिल्लो. 10 सप्टेंबरच्यान सुरू जावपी रोड सेफ्टी वर्ल्ड सिरीजांत तो खेळटलो.
रैनान भारतीय पंगडाक जायत्यो मॅची जिखून दिल्यात, भारता वतीन तो 18 टॅस्टी, 226 वन-ड आनी 78 टी-20 मॅची खेळ्ळा. टॅस्टींत ताणे 768, वन-डेंत 5615 आनी टी-20त 1604 धांवड्यो केल्यात. ताच्या नांवार 7 शेकडे आनी 48 अर्द शेंकडे आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
