भांगरभूंय | प्रतिनिधी
मुळाव्या साधनसुविधा उद्देगांतल्या मुखेल नांवां मदली एक कंपनी क्यूबिक इन्फ्रा कंपनीन हालींच गोंयांत नवें कंत्राट मेळयिल्ल्याचें जाहीर केलां, जातूंत बांबोळेच्या गोवा मेडिकल कॉलेजींत पुरायपणान नवो मानसोपचार विभाग बांदपाची जापसालदारकी कंपनीचेर आसा. कंपनीक ती पुराय करपाक देड वर्सां दिल्ली. सध्या चालू आशिल्ल्या क्युबीक इन्फ्राच्या ह्या प्रकल्पाक गोंय राज्य मुळावी बांदावळ उदरगत म्हामंडळ लिमिटेड (जीएसआयडीसी) कडल्यान मान्यताय मेळ्ळ्या. तो फुडल्या दोन म्हयन्यांत पुराय जातलो.
गोंयांत दिसाक सुमार 40- 50 दुयेंती हे खास करून उदासीनताय, चिंता आनी आत्महत्या करपाची प्रवृत्ती हांचे कडेन संबंदीत आसात. जीएमसीच्या नव्या विभागांत संवसारीक दर्ज्याच्यो सुविधा आसतल्यो, जंय लोकांक खाशेल्या उपचारांचो वापर करून सल्लागारांच्या देखरेखी खाला दवरतले. सध्या क्यूबिक इन्फ्रा हॉस्पिटलांत क्वार्टर, संशोधन आनी विकास ब्लॉक ते किचन ब्लॉक मेरेन वट्ट 3 संरचना बांदतात.
ह्या निमतान उलयतना क्यूबिक इन्फ्राचे सीईओ निखिल जैन हांणी म्हणलें, हालीं थळाव्या अधिकाऱ्यांनी गोंयांत सगळ्यांत बरी मुळावी बांदावळ विकसीत करपाचेर लक्ष केंद्रीत केलां, जाका लागून गोंय सगळ्यां खातीर संवसारीक दर्जाचें राज्य जालां. सुमार 105 कोटी खर्चाचो हो प्रकल्प जवळजवळ पुराय जाला आनी 2024 मेरेन देशांतल्या वेगवेगळ्या वाठारांतल्यान पुनर्वसनाची गरज आशिल्ल्यांक येवकार दिवपाक तयार आसा. क्युबिक इन्फ्रा गोंयच्या मुळाव्या साधनसुविधा क्षेत्रांत आघाडेर आसा हाचो आमकां अभिमान आसा. जॉगर्स पार्क (पणजी) आनी आपत्ती वेवस्थापन निवारो अशा प्रकल्पांक संवसारीक बँकेन प्रायोजीत केल्ले. तशेंच आमी डॉ. श्याम प्रसाद मुखर्जी स्टेडियम आनी दिवचल फायर स्टेशनाचो आसपाव आसा.”
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
