भांगरभूंय | प्रतिनिधी
फोंडें: कोडली-तिस्कार उमेश च्यारी हांच्या घरांत आयिल्ल्या किंग कोब्राक धरलो. सर्पमित्र संजय सुतार (सांगें) हांकां म्हायती मेळटकूच घडणूक थळार वचून किंग कोब्रा धरलो. धरिल्लो किंग कोब्रा सुमार दोन फूट लांबायेचो आशिल्लो. सर्पमित्र संजय सुतार हांणी धरिल्ल्या किंग कोब्राक रातीं उसरां रानांत व्हरून सोडलो.
पोरूं वर्सा लेगीत पावसाच्या दिसांनी उमेश च्यारी हांच्या घरांत किंग कोब्राक धरिल्लो.
कोडली-तिस्कार दुदसागर न्हंयेक कांय दिसां पयलीं हुंवार आयिल्लो. उदकाच्या प्रवाहांत दर वर्सा खूबशे सोरोप व्हांवून लागींच आशिल्ले लोकवस्तींत प्रवेश करीत आसतात. पोरूं वर्सा लेगीत च्यारी कुटुंबाच्या घरातं किंग कोब्रा आयिल्लो. सेगीत दोन वर्सा पावसाच्या दिसांनी घरांत किंग कोब्रा आयिल्ल्यान वाठारांत हो चर्चेचो विशय जाला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.