भांगरभूंय | प्रतिनिधी
30 सप्टेंबराक मडगांवां गोमंत विद्या निकेतनांत वर्धापन दीस सुवाळो
भांगरभूंय । खबरां मेज
पणजीः कोंकणी भाशा मंडळाचे 2022 वर्साचे साहित्य आनी हेर पुरस्कार 1 आॅक्टोबराक सांजवेळा 4 वरांचेर मडगांवच्या गोमंत विद्यानिकेतन सभाघरांत भेटयतले. मंडळाचो 60वो वर्धापन दीस 30 सप्टेंबराक मनयतले. मंडळाच्या हिरक महोत्सवी वर्सा निमतान 30 सप्टेंबर आनी 1 ऑक्टोबर अशें दोन दीस कार्यावळी आयोजीत केल्यात.
30 सप्टेंबराक जावपी कार्यावळीक मुख्यमंत्री डॉ. प्रमोद सावंत मुखेल सोयरे म्हूण हाजीर रावतले. मानाचे सोयरे म्हूण प्रो. डॉ. अश्वनी कुमार (लेखक आनी डीन, स्कूल ऑफ डेव्हलोपमेंट स्टडीज, द टाटा इन्स्टिट्यूट ऑफ सोशल सायन्सीस, मुंबय) हे हाजीर रावतले.
हे कार्यावळींत गोंय आनी कोंकणी खातीर निसुवार्थीपणान कार्य केल्ले खातीर भोवमानेस्त नागेश करमली, उदय भेंब्रे, दामोदर मावजो, पुंडलीक नायक, मीना काकोडकार आनी हेमा नायक हांचो जीणे गौरव पुरस्कार भेटोवन भोवमान करतले.
तेच प्रमाण गोंय आनी कोंकणी खातीर निसुवार्थीपणान कार्य केल्ले खातीर भोवमानेस्त लोर्ना, अजित कडकडे, राजेंद्र आर्लेकार, अवधुत तिंबलो, दत्तराज साळगांवकार, श्रीनिवास धेंपो, डॉ. प्रमोद साळगांवकार आनी कमलाक्ष नायक हांकां मंडळाचें मानद वांगडीपद भेटयतले.
भाशा मंडळाच्या हिरक महोत्सवा निमतान ‘कोंकणी’ ह्या विशेश अंकाचेंय लोकार्पण जातलें. पुरस्कार भेटवत सुवाळ्याचे मुखेल सोयरे म्हूण साहित्यीक अरूण कमल हे हाजीर रावतले. मानाचे सोयरे म्हूण मीना काकोडकार (ज्येश्ठ साहित्यीक), नारायण मावजो (कोंकणी म्हालगडो), जुझे रिबेलो (गोंय शालांत मंडळाचे आदले अध्यक्ष), आर. बी. एस. कोमरपंत (ज्येश्ठ कोंकणी कार्यकर्तो), मायकल डिसोझा (संचालक, प्रशिक्षण आनी सचीव, जीपार्ड सोसायटी) हे मानेस्त हाजीर रावतले.
भाशा मंडळ पुरस्कृत सेवा पुरस्कार
मार्टिन मिनीन फॅर्नांडीस, गुरुदास सामंत, उदय देशप्रभू, प्रभाकर भिडे, अर्चना कामत
सॅराफीन कोता पुरस्कृत फेलिस्यु कार्दोज यादस्तीक शिक्षक पुरस्कारः कृष्णाबाय (बिना) नायक
विन्सी क्वाद्रूस पुरस्कृत जुझेे पियेदाद क्वाद्रूस यादस्तीक कार्यकर्तो पुरस्कारः गोपिनाथ गांवस, अर्पणा गारुडी, रेवणसिध्द नायक, राजदीप नायक, जॉन फर्नांडीस
लिगोरियो फुर्ताद ट्रस्ट पत्रकारिता पुरस्कारः प्रमोद आचार्य, प्रुडंट मिडिया संपादक
दिनेश मणेरकार पुरस्कृत चंद्रकांत केणी यादस्तीक स्तंभलेखन पुरस्कार: मुकेश थळी
दिनेश मणेरकार पृरस्कृत रामनाथ मणेरकार यादस्तीक अणकार पुरस्कार: सुनेत्रा जोग (पुस्तक – सैनीक)
स. नरसिंह दामोदर नायक यादस्तीक साहित्य पुरस्कार: फा. सुकोर रिबेलो (पुस्तक – खेळ खेळोया)
स. रॉक बार्रेटो यादस्तीक साहित्य पुरस्कार: अरविंद भाटिकार (पुस्तक – कर्मण्ये, कादंबरी)
कोंकणी भाशा मंडळ पुरस्कृत रमेश वेळुस्कार यादस्तीक साहित्य पुरस्कार: सु. म. तडकोड (पुस्तक -कोंकणी चम्पू काव्य – गायत्री देवी)
मनोहरराय सरदेसाय यादस्तीक बाल साहित्य पुरस्कारः अविनाश कुंकळकार (पुस्तक – शेणिल्लें भुरगेंपण)
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
