कॉमेडियन सॅल्वी हांकां कोंकणी भाशा मंडळाचीं आर्गां

भांगरभूंय | प्रतिनिधी

पणजीः नामनेचे तियात्रिस्त आनी अभिनेते मॅथ्यूस कुर्रेय उर्फ कॉमेडियन सॅल्वी हांकां जीएमसींत उपचार घेतना सोमारा मरण आयलें. तांच्या मरणाचेर कोंकणी भाशा मंडळान दुख्ख उक्तायलां आनी तांकां आर्गां ओंपल्या.

वेगवेगळ्या कोंकणी तियात्र पालकाचेर तांणी गोंयभर लोकांक हांसोवपाचें काम केलां. तियात्रा सयत तांणी चित्रपटांतूय अभिनय केला. ‘वॅल्कम मिलियन्स’ ह्या 2018 वर्साच्या चित्रपटांतली तांची भुमिका बरीच लोकप्रिय जाल्ली.  कोंकणी तियात्राच्या मळार तांणी दिल्लें योगदान कोंकणी मनीस केन्नाच विसरचो ना, अशें मंडळाची अध्यक्ष अन्वेषा सिंगबाळ हांणी म्हणलां.