भांगरभूंय | प्रतिनिधी
भांगरभूंय प्रतिनिधी
केरी-सत्तरी ः केळावडेंतले केरी क्षेत्रिय मुखेल प्रेमानंद गोपाळ गांवस हांचो बापूय स. गोपाळ विठ्ठल गांवस हांचे 15 वे पुण्यतिथी निमतान विशेश संत समागम मनयलो.
सकाळच्या सत्रांत वेदमुर्ती कल्पेश पा. गांवस हांचे पुरयतपणा खाला विशेश सद्गुरू पुजन जालें. सांजवेळच्या सत्रांत संत समागम जालो. ह्या वेळार माचयेर धर्मप्रचारक म्हणून दीपक नकुळ गांवस आसले. तांचे वांगडा गुणाजी कृ. पिकुळकार हेवूय हाजीर आसले.
श्री दत्त पद्मनाभ पीठ विद्यमान पीठाधिश्वर धर्मभूषण, शांतीदूत, पद्मश्री प. पू. सद्गुरू ब्रह्मेशानंदाचार्य स्वामी महाराजांच्या कृपा आशिर्वादान पूर्वज परलोकांत विलीन जाले. अश्या लोकांची याद वर्सांतल्यान एक फावटीं तरी काडची आनी तांच्या आत्म्याक शांती लाबची म्हणून अश्या कार्यावळींचें आयोजन करतात.
हे कार्यावळींत रुपेश नायक भामयकार (समाजीक विभाग उपभांडारी), नारायण न. नायक ( आदले संचालक श्री दत्त पद्मनाथ पीठ), श्याम शिरोडकार (क्षेत्रिय मुखेल दिवचल, दोडामार्ग) सागर कुंकळ्येंकार (क्षेत्रिय मुखेल दिवचल, दोडामार्ग) सागर कुंकळ्येंकार (क्षेत्रिय मुखेल वाळपय पालिका), महादेव गांवस (अध्यक्ष, संत समाज, होंडा), सुचिता गोसावी (अध्यक्ष, संत समाज, सांखळी), रामनाथ गांवस ( अध्यक्ष, संत समाज घोटेली क्र. 2) श्रीकांत गांवस (अध्यक्ष, संत समाज, मोर्ले काॅलनी), चुडामणी हळर्णकार (ज्येश्ठ प्रचारक, संत समाज, केळावडे), रमाकांत केरकार (क्षेत्रिय मुखेल, नगरगांव विभाग) हांची उपस्थिती आसली. ह्या वेळार दीपक गांवस हांणी मार्गदर्शन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
