भांगरभूंय | प्रतिनिधी
भांगरभूंय । प्रतिनिधी
केरी-सत्तरीः केरी सम्राट क्लपाची अधिकार ग्रहण कार्यावळी केरी युथ क्लब सभाघरांत जाली. ह्या वेळार मुखेल सोयरे म्हणून आदले मुख्यमंत्री प्रतापसिंह राणे, बालभवनाची आदली अध्यक्ष विजयादेवी राणे, खासा निमंत्रीत म्हणून सम्राट इंटरनॅशनल राज्य-1 चो अध्यक्ष तशेंच गोंय पर्यटन म्हामंडळाचो उपसरवेवस्थापक दीपक नार्वेकार हाजीर आशिल्लो. स्थापणूक अधिकारी म्हणून सम्राट क्लब इंटरनॅशनल राज्य 1 चो 2022-23 चो अध्यक्ष शैलेश बोरकार, राज्य 1चो सचीव शशिकांत पुनाजी, प्रेरणा अधिकारी म्हणून राज्य 1 ची विभागीय अध्यक्ष भाग्यरेखा गांवस.
केरी सम्राट क्लबाचो अध्यक्ष म्हणून अॅड मोहन गांवकार, सरिता नंदा माजीक, भैरो झोरे, रुपेश गांवस, शांताराम गांवस हांणी सूत्रां स्विकारली. सुरवेक श्रुती म्हालकर,विद्यानंद गावस,स्वरूपानंद गावस व ओमप्रकाश गावस हांणी ईशस्तवन सादर केलें. दिवली पेटोवन कार्यावळ सुरू जाली. क्लबा वतीन सांस्कृतीक, सांगीतिक कार्यावळी सादर करतले. तशेंच सामाजीक उपक्रम चालीक लावपाचें उतर मोहन गांवकारा हांणी अध्यक्षीय सूत्रां स्विकारल्या उपरांत सांगलें. प्रतापसिंह राणे हांचे हस्तुकीं दीपक नार्वेकारााचो भोवमान केलो. सम्राट क्लब कला, संस्कृती, साहित्याक प्राधान्य दिता. क्लबाचो वावर आतां हेर राज्यांनी पावला अशें नार्वेकारान सांगलें.
सम्राट क्लबान गरजू भुरग्यांक मजत करची अशें आवाहन प्रतापसिंह राणे हांणी केलें. राणे हांणी गोंयां खातीर केल्ल्या वावरा खातीर मानपत्र सादर केलें. दीपक नार्वेकारान ताचें वाचन केलें. संजय गांवकारान कार्यावळीचें सूत्रसंचालन केलें. रुपेश गांवस हाणे उपकार मानले. प्रेमानंत माजीक, संतोष राणे, तुकाराम नायक, सोनी सुर्लीकार हांणी कारोओके गीतां सादर केलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
