भांगरभूंय | प्रतिनिधी
वाळपयः केरी पंचायत वाठारांतलो वापरा विणें आशिल्लो पुर्तुगेज काळांतलो सांकव 14 ऑगस्टाक कोसळ्ळो. तो सांकव धोकादायक जाल्लो. थंय नवो सांकव बांदपाची येवजण आशिल्ली.
घोटेली 2 त पुर्तुगेज काळांत एक सांकव बांदिल्लो. त्या वेळा वयली गरज म्हूण हो सांकव बांदिल्लो. मात फाटल्या कांय वर्सां सावन तो दुबळो जाल्लो. ताका लागून फाटल्या कांय वर्सां सावन ताचो वापर बंद आशिल्लो. 14 ऑगस्टाक तो कोसळ्ळो.
मेळिल्ले म्हायती प्रमाण तो सांकव मोडचो अशी ह्या वाठारांतल्या लोकांनी मागणी केल्ली, पूण तिचे कडेन संबंदितांनी आडनदर केल्ली. ह्या सांकवाचो वापर जरी बंद आशिल्लो तरी लेगीत कांय ‘तळीराम’ रातच्या वेळार ताचो वापर करताले. ताका लागून दुर्घटणा जावपाची शक्यताय वाडिल्ली. मजगतीं, कोसळिल्ल्या सांकवाचो उरिल्लो भाग मोडचो, अशी मागणी थळाव्या लोकांनी केल्या. भौशीक बांदकाम खात्यान ह्या संबंदांत दखल घेवची, अशें तांणी म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
