भांगरभूंय | प्रतिनिधी
शिंयाचो हंगाम सुखद आसलो तरी शिंयांनी थंडी, मायग्रेन, केंस गळप अश्यो समस्या जाणवतात. सध्या जेवणा- खाणाचे इतले पर्याय लोकां मुखार आसात. जें खांव कशें दिसता तें लोक खातात. जाका लागून पोट फुगप, ऍसिडिटी आनी वजन वाडप अश्यो समस्या निर्माण जातात.
तुमकां जर शिंयाची मजा कसल्याच त्रासां बगर घेवपाची आसा जाल्यार तुमच्या दिसाची सुरवात हातूंत करात. हें पिल्यार तुमच्यो सगळ्यो समस्या पयसावतल्यो. २ ग्लास उदक, ७-१० करवील, ३ ओंव्याचीं पानां, १ चमचो सुकी कोथंबीर,१ चमचो जिरें,१ वेलची, १ इंच आलें (किसललें) घेयात.
हें पिवपाक करपाची तरा: उदक गरम करपाक दवरात. ताका खतखतो येतांच तातूंत सुकी कोथंबीर, जिरें, ओंव्याचीं पानां, वेलची, आलें घालात. सगळें घातल्या उपरांत ५ मिनटां तें उकडात. उपरांत तें गाळून पियात.
हे पिल्यार कितें फायदो जाता?
करवील : केंच गळप, वजन नियंत्रीत करता. साखरेची पातळी उणी करता आनी हिमोग्लोबीन सुदारता.
ओंव्याचीं पानां : ओंव्याचीं पानां सूज येवप, अपचन, थंडी, गोडेंमुताचें, दमो आनी वजन उणें करपाचे उपेगी.
सुकी कोथंबीर : सुकी कोथंबीर खाल्ल्यान अपचन सुदारता. तशेंच मायग्रेन, थायरॉयड आनी हार्मोनल असंतुलन सुदारता.
जिरें : साखर, वजन उणें जावप, पित्त, मायग्रेन, कोलेस्ट्रॉल नियंत्रणांत दवरता.
वेलची : मोशन सिकनेस, पोटान धवळप, मायग्रेन, हाय ब्लड प्रेशर तशेंच केंस आनी कांती खातीर वेलची खूब उपेगी.
आलें : आल्यांत आशिल्ले घटक अपचन, गॅस, वजन उणें जावप अश्यो खुबश्यो समस्या पयस करपाक मजत करता.
ताका लागून दुदाची च्या घेवचे परस तुमच्या दिसाची सुरवात हें पियेवन करात. तुमचो दीस उमेदी आनी निरोगी वचूं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
