भांगरभूंय | प्रतिनिधी
राज्यां मदीं गोंयचोय आसपाव
नवी दिल्ली, खबरां संस्था: केंद्र सरकारान अर्थीक वर्स २०२४-२५त ‘भांडवल गुंतवणुकी खातीर राज्यांक विशेश सहाय्य (एसएएससीआय) – संवसारीक दर्जाच्या प्रतिश्ठीत पर्यटन केंद्रांची उदरगत’ हाचे खाला २३ राज्यांतल्या ३२९५.७६ कोटी रुपयांच्या ४० प्रकल्पांक मंजुरी दिल्या. देशांत प्रतिश्ठीत पर्यटन केंद्रां व्यापक स्वरूपांत विकसीत करप, तांचें संवसारीक पांवड्यार ब्रँडींग आनी प्रचार करप हो हाचे फाटलो मुखेल हेत.
हे येवजणे खाला मंजूर प्रकल्पांचें तपशील जोडल्यात. पर्यटन मंत्रालयान प्रकल्प प्रस्ताव सादर करपा खातीर सगळ्या राज्यांक परिचालन विशयाचीं मार्गदर्शक तत्वां जारी केल्यांत. राज्य सरकारा कडल्यान प्रकल्प प्रस्ताव मेळ्ळे उपरांत त्या विशिश्ट थळांची कनेक्टिव्हिटी, पर्यटन परिसंस्था, परिचालन तांक, शाश्वत उपाययेवजण, शाश्वत परिचालन आनी वेवस्थापन, प्रकल्पाचो प्रभाव आनी मुल्यनिर्मिती, पर्यटन विपणन येवजण अश्या जायत्या निकशांचेर तांचें मुल्यांकन केलां.
एसएएससीआय येवजणे खाला मंजूर केल्ल्या प्रकल्पांची अंमलबजावणी राज्य अंमलबजावणी संस्थां करतात. मंजूर प्रकल्पांची वेगवान अंमलबजावणी सुनिश्चीत करपा खातीर, पर्यटन मंत्रालयान मंजूर प्रकल्पांच्या उदरगतीचो आढावो घेवपा खातीर वेवस्थाय केल्या.
पर्यटन मंत्रालय वेबसायट, सोशल मीडिया जायराती, कार्यावळींनी वांटो, उत्सव आयोजीत करपा खातीर राज्य सरकारांक मजत अश्या विवीध उर्बा वाडोवपी उपक्रमां वरवीं देशां खाला आनी आंतरराष्ट्रीय पावड्यार उण्या प्रसिद्ध थळां सयत देशांतलीं विवीध पर्यटन थळां आनी उत्पादनांक उर्बा दितात.
केंद्रीय पर्यटन आनी सांस्कृतीक मंत्री गजेंद्र सिंह शेखावत हांणी लोकसभेंत एके लेखी जापेंत ही म्हायती दिली..
मंजुरी दिल्ल्या प्रकल्पांची वळेरी:
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
