भांगरभूंय | प्रतिनिधी
भांगरभूंय । प्रतिनिधी
पोरणे गोंयः गवंडाळी पूर कुमारजुवें गांवांतल्या वता तरी तो ह्या गांवाक जोडना. ताका लागून गंवडाळीक कुमारजुंव्याक जोडपी नवो पूल बांदपाची मागणी कुमारजुंव्याचो आमदार राजेश फळदेसाय हांणी केल्या. कुमारजुंव्यांतल्या लोकांक गंवडाळी पूलाचो कसलोच उपेग जायना. पोरण्या गोंयांतल्यान माशेलांत येवपाक ह्या पुलाचो उपेग जाता ही गजाल तांणी सरकाराचे नदरेक हाडून दिल्या.
गवंडाळी पूल आसतनाय लोकांक फेरी सेवेचो उपेग करचो पडटा. कांय कोटी रूपये खर्च करून आदलो आमदार पांडुरंग मडकयकाराचे कारकिर्दींत गवंडाळी पूल बांदलो मात ताचो क्स्कुटाचोय फायदो कुमारजुंव्यांतल्या लोकांक जायना. ताच्या नशिबांत फकत सारकी चलना ती फेरी सेवा आसा अशें तांणी सांगलें.
धावजी हांगा रेल्वे क्रॉसिंगा कडेन फ्लाय ओव्हर बांदपाची मागणी फळदेसाय हांणी केल्या. रेल्वे येतना हे रेल्वे फाटक बंद आसता. ताका लागून ताचे दोनूय वटेन वाहनांची व्हड रांग लागता अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
