भांगरभूंय | प्रतिनिधी
भांगरभूंय प्रतिनिधी
केरी-सत्तरी ः कुडचिरेंच्या सेकंड ले. जे. जे. राणे सरकारी माध्यमीक विद्यालयाचो निकाल 100 टक्के लागला. 34 विद्यार्थी परिक्षेक बशिल्ले. सगले विद्यार्थी पास जाल
5 विशेश श्रेणींत, 25 पयल्या वर्गांत जाल्यार 4 दुसऱ्या वर्गांत पास जाले. संजना पांडुरंग उसपकार ही 85.17 टक्के गूण मेळोवन विद्यालयांत पयली आयली. सुचिता गोपाळ घोलकार 82.50 टक्के गूण घेवन दुसरें, दिव्या भालचंद्र गांवस 81.50 टक्के गूण घेवन तिसरें जाल्यार उन्नती उमेश तळकटकार ही 75.17 टक्के गूण घेवन चवथी आयल्या.
हातूंत विनय टाकले, संजना सिनारी, माधवी हरमलकार, संध्या च्यारी, स्नेहा नायक, ताना गावडे, मंगलदीप गावडे आनी रंजिता ठाणेकार हांच्या विशयांचो निकाल 100 टक्के लागला.
मयें मतदारसंघाचे आमदार आनी फलोत्पादन महामंडळाचे अध्यक्ष प्रेमेंद्र विष्णू शेट, उपसरपंच प्रकाश गांवकार, पालक शिक्षक संघाचे अध्यक्ष गंगाराम गांवकार, शाळा वेवस्थापन समितीची अध्यक्ष प्रणाली गांवकार, मुख्याध्यापक श्रीकृष्ण नायक, शिक्षक, शिक्षकेतर कर्मचारी, पालक आनी ग्रामस्थांनी अभिनंदन केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
