भांगरभूंय | प्रतिनिधी
भांगरभूंय । प्रतिनिधी
कुडचडेंः कला साधना संचलीत शारदा कला मंदिरा वतीन बुधवार 19 ऑक्टोबराक एक दिसाचे तबलें संस्कार आनी मार्गदर्शन कार्यशाळेचें आयोजन केलां. सर्वोदय हायस्कूल सभाघरांत सकाळीं 9 ते सांजे 5.30 मेरेन जावपी हे कार्यशाळेंत कोल्हापूरचे तबलें वादक तशेंच तबलें विशयांत शिवाजी विद्यापिठाची पीएचडी मेळोवपी डॉ सचिन कचोटे मार्गदर्शन करतले.
प्रारंभीक तें विशारद मेरेनचे तशेच संगीत मोगीं खातीर उक्ते आशिल्ले हे कार्यशाळेंत डॉ कचोटे अखील भारतीय गंधर्व अभ्यासक्रम आनी परिक्षा हे विशीं म्हायती दितले. कार्यशाळेंत वाटेकार जावपाक इत्सूक आशिल्ल्यांनी वांगडा तबलें घेवन येवचें पडटलें. शिबिराचें उक्तावण 19 ऑक्टोबराक सकाळी 9 वरांचेर कला अकादमीच्या केंपें केंद्राचे मुखेली आनी तबलें शिक्षक अमीत भोसले, इचलकरंजीचे ज्येश्ठ तबलें वादक महेश पाटील हाचें हाजेरेंत जातलें. सांजेच्या सत्रात कचोटे हांचे तबलें एकलवादन जातलें. तांकां धनंजय सावंत आनी ऋषिकेश देसाय साथ संगत करतले. चडावत म्हायती खातीर कला साधनाचे अध्यक्ष अरूण पाटील (9881246211) हांचे कडेन संपर्क सादचो अशें कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
