भांगरभूंय | प्रतिनिधी
केपें, प्रतिनिधी : कार्यामुड्डी- कुडचडेंचे एके इमारतीच्या टेरेसा वयल्यान उडी मारिल्ल्यान अनीता फर्नांडीस ( ५४ ) हे शिक्षीकेक मरण आयलें.
कुडचडें पुलिसांनी दिल्ले म्हायती प्रमाण, इमारतींत दुसरे माळयेचेर अनिता फर्नांडीस हांचें कुटूंब रावता. काल सकाळीं सुमार ६:३० वरांचेर इमारतीचे चवथे माळये वयल्यान अनिता हांणी सकयल उडी मारली. उपरांत तिका कुडचडें भलायकी केंद्रांत व्हेली. थंय डॉक्टरांनी तिका मरण आयिल्ल्याचें सांगलें. उपरांत पोस्टमोर्टम करून तिची कूड घरच्यांचे सुवादीन केल्या.
मेळिल्ले म्हायती प्रमाण, अनिता ही सांगें वाठारांतले एके प्राथमीक शाळेंत शिक्षिका आशिल्ली. फाटल्या कांय दिसां सावन ती मानसीक तणावा खाला आशिल्ली. तिचे फाटल्यान तिचो घरकान आनी धूव (शिक्षिका) आसा. हे विशीं कुडचडें पुलीस निरीक्षक वैभव नायक हांच्या मागदर्शना खाला पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
