भांगरभूंय | प्रतिनिधी
गोंयांतल्यान गेल्ले गाडये सयत 23 लाखांची सामुग्री जप्त
भांगरभूंय । प्रतिनिधी
काणकोणः गोयांतल्यान कर्नाटकांत स्पिरीट बेकायदो तरेन व्हरपी गाडी कर्नाटक पुलिसांनी जप्त केली. हे गाडयेंत 90 हजार 300 रुपयांचें स्पिरीट आशिल्लें. हार्पीक कंपनीच्या बाटल्यां वांगडा स्पिरिटाचे कॅन लिपोवन दवरिल्ले. हार्पीक, स्पिरीट आनी हेर साहित्य तशेंच गाडी धरून कर्नाटक पुलिसांनी 23 लाखांची सामुग्री जप्त केली.
मजगतीं, जप्त केल्ली गाडी आनी हेर सामुग्री कारवार पुलिसांनी कारवारच्या अबकारी खात्याच्या सुवादीन दिल्या. पोळें आनी माजाळी तपासणी नाके हुपून ही गाडी गेल्ली. ती कारवार आनी सदाशिवगड ह्या मार्गाचेर कर्नाटक पुलिसांनी धरली. ह्या स्पिरिटाचो वापर सोऱ्या खातीर करता आसतले, असो दुबाव कर्नाटक पुलिसांनी उक्तायला. गोंयांतल्यान कर्नाटकांत सोऱ्याचो बाटल्यो बेकायदो तरेन घेवन वचपी एक स्विफ्ट मोटार माजाळी तपासणी नाक्याचेर अबकारी खात्यान धरल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
