भांगरभूंय | प्रतिनिधी
पणजी: 15 ऑगस्टाक भारताच्या 75व्या स्वातंत्र्य दिसा निमतान पणजेच्या काकुलो मॉलांत दिव्यांग व्यक्तीच्या हस्तुकीं तिरंगो हुबयतले. ही कार्यावळ काकुलो ग्रुप डीसअॅबिलिटी रायट्स असोसिएशन ऑफ गोवा हांच्या जोड पालवान आयोजीत केल्या.
आझादी का अमृत महोत्सव ह्या उपक्रमा खाला ही कार्यावळ आयोजीत केल्या.
15 ऑगस्टाक जावपी हे कार्यावळींत अनाथाश्रम, जेश्ठ लोक, दिव्यांक आनी हमारा स्कूल हाचे वांगडा समाजांतल्या वंचीत वर्गांतले 100 परस चड नागरीक हे कार्यावळींत हाजीर रावतले आनी वेगळे तरीन स्वातंत्र्य दीस मनयतले.
महोत्सवाचो एक भाग म्हणून 13, 14 आनी 15 ऑगस्टाक काकुलो मॉलांतल्या एट्रिअमांत दिव्यांग वर्गाक आपलीं उत्पादनां आनी तांणी केल्ल्यो वस्तू प्रदर्शीत करून विकपाक सुवात दितले. 13 ते 15 ऑगस्ट ह्या तीन दिसांचे कार्यावळींत सांकेतीक भास, अर्थीक नियोजन, दिव्यांग व्यक्तीचे हक्क आनी संबंदीत विशयांचेर सत्र आयोजीत केलां.
काकुलोचे संचालक शमीक काकुलो हांणी, देशाच्या इतिहासीक 75व्या स्वातंत्र्य दिसा वा आझादी का अमृत मोहत्सव दिसा आमकां 75 राष्ट्रीत बावटे उबारपी व्हीआयपींचो एक खाशेलो पंगड जाय आशिल्लो, अशें तांणी स्पश्ट केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
