भांगरभूंय | प्रतिनिधी
भांगरभूंय I प्रतिनिधी
पणजी : काँग्रेसच्या आठ आमदारांचो गट बेगिनूच भाजपांत प्रवेश करतलो, अशो वावड्यो पातळत आसात. हे विशीं केंद्रीय फुडारी निर्णय घेतले. काँग्रेस आमदारांच्या भाजप प्रवेशाचेर थळाव्या पांवड्याचेर निर्णय जावचो ना. पक्षाच्या केंद्रीय फुडाऱ्यांनी मान्यताय दिले उपरांतूच प्रवेश जातलो. काँग्रेस आमदार पक्षाच्या थळाव्या फुडाऱ्यांच्या संपर्कांत नात, अशें प्रदेश अध्यक्ष सदानंद शेट तानावडे हांणी सांगलें.
हेर पक्षाच्या फुडाऱ्यांक भाजपांत येवपाचे आसत, जाल्यार ती बरी गजाल आसा. हाचे पयलीं लेगीत हेर पक्षाच्या बऱ्याच फुडाऱ्यांक थळाव्या तशेंच राष्ट्रीय पांवड्याचेर प्रवेश दिला. पूण हे विशीं केंद्रीय फुडारी निर्णय घेतले. गट विलीन करपाची प्रक्रिया कायद्या प्रमाण सभापती कडेन वता. आपल्या थेट संपर्कांत लेगीत खंयचोच आमदार ना. पक्षाच्या केंद्रीय फुडाऱ्यांनी मान्यताय दिल्यार पक्षांत प्रवेश दिवपाक कोणाचीच हरकत आसची ना, अशें तानावडे हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
