भांगरभूंय | प्रतिनिधी
भांगरभूंय । प्रतिनिधी
म्हापशेंः प्रदेश काँग्रेस पक्षाच्या उत्तर गोंय समितीच्या नव्या पदाधिकाऱ्यांची अधिकार ग्रहण कार्यावळ म्हापश्यांतल्या जिल्हो कार्यालयांत प्रदेश काँग्रेस अध्यक्ष अमित पाटकार हाचें उपस्थितींत जाली. ह्या समितींत 91 जाणांचो आसपाव आसा. काँग्रेस फुडारी रमाकांत खलप, वरीश्ठ उपाध्यक्ष एम के शेख, सरचिटणीस विजय भिके, उत्तर गोंय जिल्हो अध्यक्ष वीरेंद्र शिरोडकार, ओबीसी चॅरमन नितीन चोडणकार आनी हेर पदाधिकारी ह्या वेळार हाजीर आशिल्ले.
फुडल्या वर्सा जावपी लोकसभा वेंचणुकेंत उत्तर गोयांत काँग्रेस पक्षाच्या उमेदवाराक जैतिवंत करपाचो निर्धार हे कार्यावळींत केलो. नव्या समितींत उपाध्यक्षपदार चंदन मांद्रेकार, अॅड. भालचंद्र मयेकार, मुक्तार अहमद, ज्ञानेश नागवेकार, लक्ष्मिकांत परब, ज्योस कामिनो जोओ, प्रकाश पालकार, डॉम्निक फर्नांडीस, शकीब सय्यद हांचो आसपाव आसा. सरचिटणीसपदार प्रणव परब, सुनिता बुगडे, हेमंत नायक, दामोदर दाभोलकार, अॅड. रोहन चोडणकार, मोहन वळवयकार, दादापीर शेख, मुक्तमाला फोंडवेकार, भांडारी म्हणून मिथाली गडेकार हाचो आसपाव केला. तशेंच 9 सचीव आनी 63 कार्यकारी वांगड्यांचो आसपाव आसा.
ह्या वेळार अमित पाटकार, रमाकांत खलप, एम. के. शेख आनी विजय भिके हांणी निवनिर्वाचीत उत्तर गोय समितीच्या पदाधिकार्यांक मार्गदर्शऩ केलें आनी पक्ष घटमूट करपा खातीर सगले यत्न करपाचें आवाहन केलें. सूत्रसंचालन सरचिटणीस प्रणव परब हाणे केलें आनी सचीव मुस्तफा बेग हाणे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
