भांगरभूंय | प्रतिनिधी
पणजी: गोंंयचे सांंस्कृतीक दायज आशिल्ल्या कला अकादमीची राखण करपाच्या हेतान कला राखण मांंडान सुपारी आंंदोलन केलें. कला अकादमीची राखण करपाची सुपारी कलाकारांंनी कार्यावळी खातीर आयिल्ल्या कलामोगींक दिली. कला आनी संंस्कृती मंत्री गोविंंद गावडे हांणी कलाकारां कडल्यान सुपारी घेतली ना. आमदार अालेक्स रेजिनाल्ड हांणी मात सुपारी घेतली.
सेसील रॉड्रिग्ज, संंदेश प्रभुदेसाय, देवीदास आमोणकार आनी हेरांनी आंंदोलनांत वांटो घेतलो. कलाकारांनी कला अकादमीची बदनामी करपाची न्हय जाल्यार कला अकादमी राखपाची सुपारी घेतल्या. अकादमी राखपा खातीरची सुपारी आमी सगल्यांक दितले, अशें देविदास आमोणकार हांंणी सांंगलें.
कांय कलाकारांनी कला अकादमीची बदनामी करपाची सुपारी घेतल्या असो आरोप कला आनी संंस्कृती खात्याचे मंत्री गोविंंद गावडे हांणी केल्लो. हाचो निशेध करपा खातीर कला राखण मांंडान सुपारी आंंदोलन केलें.
कला अकादमीत गळटी
सध्या सुरू आशिल्ल्या उटंगाराच्या पावसाक लागून कला अकादमीच्या कंट्रोल रुमांत गळटी लागिल्ली. विजेच्यो वायरी आशिल्ल्यान हो प्रकार धोकादायक थारपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
