भांगरभूंय | प्रतिनिधी
मुरगांव: कला अकादमी गोवा आयोजीत पं. मनोहर बुवा शिरगांवकार स्मृती विभागीय पांवड्यावेले दादलो कलाकारांचे विभागीय सर्तीचें आयोजन पांडुरंग वाडी वास्को हांगच्या ब्रह्मस्थळ संस्थानांत बुधवारा ता. 27 आनी बिरेस्तार ता. 28 जुलयाक जालें. केंद्र क्रमांक 6 पांडुरंग वाडी वास्को हांगा ब्रह्मस्थळ संस्थानाच्या श्री विठ्ठल रखुमाई देवळाच्या सभाघरांत ता. 27 आनी 28 जूलय हे दोन दीस ही कार्यावळ जातली.
ह्या केंद्रांत 27 जुलयाक जावपी सत्र क्रमांक 1त ओम श्री विष्णू कला संस्कृतीक संस्था (नवेवाडें, वास्को), जगन्नाथ स्वामी बोरीकर (तामशिरें बोरी), श्री नवदुर्गा भजन संघ (बोरी), नवसाई भजन मंडळ (शिरोडें), श्री मल्लिकार्जून कला खेळां भजन मंडळ (श्रीस्थळ काणकोण), मोरुडकर भजन पंगड (हेडलँड सडा वास्को) आनी रंग अभंग (कुचडें) हे पंगड भजन सादर करतले. बिरेस्तार ता. 28 जुलयाक जावपी सत्र क्रमांक 1त श्री लक्ष्मी सांखळे भजन मंडळ (रासई), श्री विठ्ठल रखुमाई भजन मंडळ (उदळशें साकोर्डा), वैरागी कला वृक्ष (मडकय, फोंडें), शारदा संगीत विद्यालय (हेडलँड सडा वास्को), श्री शांतादुर्गा लक्ष्मी नृसिंह साखळ्यो भजन मंडळ (सांकवाळ), श्री शिव समर्थ सांस्कृतीक मंडळ (नवेवाडे वास्को) आनी स्वरसाधना कला आनी संस्कृतीक संस्था (करंजाळ मडकय) हे पंगड वांटो घेतले.
ही सर्त दनपारच्या 2.30 वरांचेर सुरू जातली. दरेका पंगडान आपलें सत्र सुरू जावच्या अर्दे वरा पयलीं सगळ्या कलाकारां वांगडा हाजीर रावचें. सादरी करणाच्या अनुक्रमांक पाळी नाशिल्ल्या पंगडांक भजन सादर करपाक दिवचे ना. हाची दगळया पंगडांनी दखल घेवची, अशे आवाहन कला अकादमीन केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
