भांगरभूंय | प्रतिनिधी
भांगरभूंय । प्रतिनिधी
काणकोणः करलकॉन एशिया ह्या वखदांची निर्ममी करपी कंपनी वतीन खालवडें- काणकोण हांगच्या सरस्वती विद्या मंदिराक संगीत तशेंच शिक्षणीक साधनांची भेट दिल्या. कंपनीचे अर्थीक नियंत्रक विनय पोतदार, गुणवत्ता नियंत्रक निनोश्का फर्नांडीस, सीएसआर समन्वयक रुचिता गांवस हांणी विद्या मंदिर संस्थेचो अध्यक्ष दिलखूष शेट, वेवस्थापक शाबाजी नायक, सचीव जितेंद्र आमशेकार. मुख्याध्यापिका नीता वागोणकार, पालक-शिक्षक संघाचो अध्यक्ष दामोदर च्यारी हाचे सुवादीन ही साधना केलीं.
हे खातीर आयोजीत केल्ले कार्यावळींत शाळेच्या विद्यार्थ्यांनी येवकार गीत सादर केलें. उपरांत नाच सादर केलें. करलकॉन वतीन विद्या मंदिराक 1 लाख 93 हजार रुपया मोलाची शिक्षणीक साधना दिल्यांत. तातूंत लॅपटॉप, प्रिन्टर, कपाट, पुस्तकां दवोरपाक कपाट, नोटीस बोर्ड, फायर एक्स्टिंगविशर, संगीत वाद्यांचो आसपाव आसा. विनय पोतदार, निनोश्का फर्नांडीस, दिलखूष शेट हांणी ह्या वेळार आपले विचार मांडले. नीता वागोणकारान वळख करून दिली जितेंद्र आमशेकारान प्रास्तावीक केलें आनी दामोदर च्यारीन उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
