भांगरभूंय | प्रतिनिधी
भांगरभूंय I प्रतिनिधी
पणजीः सोनाली फोगट मरण प्रकरणांत मुख्य आस्पाव आशिल्लो हणजूणेंतलो कर्लीस नायट क्लब बंद करपाचे आदेश मुख्यमंत्री तशेंच गृह मंत्री डॉ. प्रमोद सावंत हांणी पुलीस म्हासंचालकांक दिल्यात. ताका लागून कर्लीस क्लब मंगळारा ‘सील’ करतले.
भाजप फुडारी तशेंच टिकटॉक स्टार सोनाली फोगट हिच्या मरण प्रकरणांत पुलिसांनी तिचो पीए सुधीर सांगवान आनी सहकारी सुखविंदर पाल सिंग ह्या दोगां दुबावितांक अटक केल्या. तांच्या चवकशे उपरांत फोगट हिका ड्रग्स पियेल्ल्यान मरण आयिल्ल्याचे स्पश्ट जाले. दुबावितांनी कर्लीस क्लबांत फोगट हिका उदकांतल्यान जबरदस्तीन ड्रग्स पियेवपाक दिल्ल्यान तिका मरण आयलें. ड्रग्साची पुरवण ग्रँड लिओनी हॉटेलाचो रुमबॉय दत्तप्रसाद गांवकार हाणें केल्ल्याचे पुलिसांचे चवकशेंत स्पश्ट जाला. पुलिसांनी दत्तप्रसाद हाचे सयत कर्लीस क्लबाचो धनी एडवीन नुनीस हाकाय अटक केल्या. ते उपरांत आतां कर्लीस नायट क्लब बंद करून थंयची सगल्या प्रकाराची चवकशी करपाचे आदेश मुख्यमंत्री डॉ. प्रमोद सावंत पुलीस म्हासंचालकांक दिल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
