भांगरभूंय | प्रतिनिधी
भांगरभूंय । प्रतिनिधी
म्हापशेंः नावेली साश्ट हांगच्या मनोहर पर्रीकार खेळां संकुलांत आयोजीत केल्ल्या पश्चीम विभागीय तिसरे आंतरराज्या कराटे सर्तींत आय जेकेएच आयच्या हरमल कराटे पंगडात पर्जळीत येश मेळयलें. 10 वर्सा पिराये सकयल्ले चलयाच्या गटांत पंगडा खातीर पयलें भांगरा पदक मेळोवपाचो भोवमान पलक गडेकार हाका फावो जालो. ह्याच गटांत उन्नती वायंगणकार हाका रुप्याची आनी 14 वर्सां पिराये सकयल्ल्या चल्यांच्या गटांत संचीत गडेकार हांका कांस्या पदक मेळ्ळें.
हे कराटे सर्तींत आठ राज्यांतल्या सुमार एक हजार विद्यार्थी वांटेकार जाल्ले. आय जेकेए आयचो मुखेल प्रशिक्षक महेंद्र नायक हाणे पलक गडेकार, उन्नती वायंगणकार, संचीत गडेकार आनी प्रशिक्षक साईश राटवट हांका परबीं भेटयल्यांत.
आमदार जीत आरोलकार हाणे हरमल आनी गांवगिऱ्या वाठारांतल्या विद्यार्थ्यांनी आप राखणेच्या खेळां प्रकारांत बरी कामगिरी केल्ले खातीर पंपडाक परबीं भेटयल्यांत, प्रत्येकान आप राखणेचें प्रशिक्षण घेवपाची गरज आसा अशें ताणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
