भांगरभूंय | प्रतिनिधी
मडगांव, प्रतिनिधी ः कथित वीज भानगडीच्या प्रकरणांत फाटल्या सुनावणींत समन्स जारी केल्ल्या पांच जाणांचे पत्ते मेळूंक नाशिल्ल्यान समन्स फाटीं घेतलो. जाल्यार एकल्याक व्हॉट्सअॅपाचेर समन्स धाडलो पूण ताणें मंगळूरांत आशिल्ल्यान फुडली तारीख दिवपाक सांगलें. देखून शुक्रारा खंयचोच साक्षीदार हाजीर नाशिल्लो. ताका लागून ह्या प्रकरणांतली फुडली सुनावणी 19 तारखेक जातली.
दक्षीण गोंय जिल्हो खाशेल्या न्यायालयांत शुक्रारा कथित वीज भानगडी विशीं सुनावणी जाली. ह्या प्रकरणांतल्यान मंत्री माविन गुदिन्हो हांका कायमचे गैरहजर रावपाची सुट दिल्या. देखून शुक्रारा जाल्ले सुनावणेक ते हाजीर नाशिल्ले. जाल्यार टी. नागराजन आनी कृष्णकुमार गैरहाजीर आशिल्ले. फाटलें 5 जानेवारीक जाल्ले सुनावणींत हांचे आदीं सुनावणीं वेळार तीन साक्षीदारांक हाजीर रावपा खातीर समन्स जारी केल्लें. तांकां धाडिल्ले समन्स फाटीं येवंक नाशिल्ल्याचे सांगतालें. उपरांत संबंदीत तीन साक्षीदारांक 19 जानेवारीक न्यायालयांत हजर रावपा खातीर समन्स जारी करपाक सांगलां. जाल्यार शुक्रारा स साक्षीदारांक हाजीर रावपाचे समन्स धाडिल्लें. पूण, साक्षीदारांतल्या पांच जाणांचो पत्तो बरोबर नाशिल्ल्यान समन्स परत आयलो. व्हॉट्सअॅपाचेर एका साक्षीदाराक समन्स धाडलो. आपूण मंगळूरांत स्थलांतरीत जालां अशें ताणें सांगलें. तशेंच सुनावणीक हाजीर रावपा खातीर फुडली तारीख दिवपाची विनवणी ताणें केली. ते प्रमाण पयलीं तिगांक 19 जानेवारीक हाजीर रावपाक सांगिल्ल्यान उल्लेख केल्ल्या साक्षीदाराकय त्याच दिसा हाजीर रावपाक सांगलें. ह्या प्रकरणाची फुडली सुनावणी 19 जानेवारीक सकाळीं 10 वरांचेर जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
