भांगरभूंय | प्रतिनिधी
भांगरभूंय । प्रतिनिधी
वास्कोः बँको तशेंच कंपन्यांचे प्रतिनिधी म्हणून लोकांच्या घरा वचून तांची अर्थीक फटवणूक करपाचे प्रकार वास्को शारांत वाडपाक लागल्यात. वास्को पुलिसांनी आतां मेरेन अशा फटवणुकेचे तीन गुन्यांव नोंद केल्यात. लोकांनी सादूर रावन अश्या प्रतिनिधींचे भकीक पडचें न्हय अशें आवाहन वास्कोचो पुलीस निरीक्षक कपील नायक हांणी केलां.
एके ऑनलायन शॉपिंग कंपनीचो कस्टमर कॅर एक्झिक्युटिव्ह आशिल्ल्याचें सांगून मांगूर हांगच्या उषा नंदिनी हिच्या घरांत एकलो आयलो आनी ऑनलायन सायकल विकपाच्या निमतान तिच्या स्टेट बँक खात्यांतले दोन लाख रुपये कम्प्युटराच्या माध्यमांतल्यान काडले. दुसरे एके घडणुकेंत वरुणपुरी वास्कोच्या सुभाष प्रिया सिंग हाका स्टेट बँकेचो एक्झिक्युटिव्ह अशें सागून केवायसी अपग्रेड करपाक जाय अशें सांगून तांच्या बँक खात्याची म्हायती घेवन तातूंतल्यान 16,031 रुपये काडले.
डीटीडीसी कुरियर सर्व्हिसचो एक्झिक्युटिव्ह म्हणून सांगून संदीप कुमार यादव हाका ताणे मागयल्ल्या उत्पादनाची कागाळ सुटावी करपाचें कारण सांगून ताच्या बँक खात्याची म्हायती मेळयली आनी ताकां 15 हजार रुपयांक फटयलें. वास्को पुलिसांनी ह्या प्रकारांची सध्या चवकशी चलयल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
