भांगरभूंय | प्रतिनिधी
रायबंदर स्मार्ट सिटीं कामगार मरण प्रकरण
पणजी, प्रतिनिधी ः पानवेल – रायबंदरच्या दिवाडी फेरी लागसार स्मार्ट सिटीचें काम करताना काल सकाळीं अंगद कुमार पंडित (२८, बिहार) हो कामगार मातये भितर आडकल्लो आनी ताका मरण आयलें. ह्या प्रकरणांत पोरणें गोंय पुलिसांनी कंत्राटदार मणिकंदन सिरांगन आनी सुपरवायझर निशांत कुमार मुथुरामन हांकां आयज अटक केली.
पोरणें गोंय पुलीस निरिक्षक सतीश पडवळकार हांच्या मार्गदर्शना खाला उपनिरिक्षक वॅरोनिका कुतिन्हो हिणें हे घडणुकेचो तपास केलो तेन्ना कंत्राटदार आनी सुपरवायझरान कामगारांच्या सुरक्षे कडेन दुर्लक्ष केल्ल्याचें कळ्ळें. काम करतना कामगारान सुरक्षेची कसलीच जतनाय घेवंक नाशिल्ल्याचेंय दिसून आयलें. देखून निशांत कुमार मुथुरामन आनी मणिकंदन सीरांगन हांचे आड सदोश मनुश्यवध गुन्यांव नोंद करुन अटक केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
