भांगरभूंय | प्रतिनिधी
पणजी, बातमीदार ः ओरिसाचे आदले राज्यपाल मुरलीधर चंद्रकांत भंडारे (95) संसाराक अंतरले. तें मूळ गोंयकार. पुर्तुगेज काळांत तांचें कुटुंब मुंबयंत स्थायीक जाल्लें.
दिल्लींत मराठी कला, संगीत आनी वकील बार असोसिएशन ह्या मळार तांकां मानाची सुवात आशिल्ली. सर्वोच्च न्यायालयाचे वकील म्हणून तांची नामना आशिल्ली. तशेंच तें आदीं तीन फावटीं राज्यसभेचे खासदार आशिल्ले. भारत सरकाराच्या जायत्या समितींनी तांणी काम केलां. भंडारे हांणी युनोच्या मानवी हक्क समितीचो अध्यक्ष म्हूण भारताचें प्रतिनिधित्व केल्लें. ‘द आर्क ऑफ मेमरी : माय लायफ अॅण्ड टायम्स’ हें तांचे आत्मचरित्र.
मुरलीधर भंडारे हांच्या फाटल्यान तांचे पूत उद्देजक राहुल, सून नमिता, धूव मनाली, नातरां श्रेया, तिस्ता, अन्यथा आनी भावजय वसुंधरा भंडारे अशें कुटुंब आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
