भांगरभूंय | प्रतिनिधी
भांगरभूंय I प्रतिनिधी
पणजी : सरकारान चार ब्लॉकांची पावणी केल्या. उरिल्ल्या ब्लॉकांची पावणी मार्च मेरेन पुराय जावन ऑक्टोबर मेरेन प्रत्यक्ष खण वेवसाय सुरू जातलो, अशें मुख्यमंत्री डॉ. प्रमोद सावंत हांंणी स्पश्ट केलां. राज्यपालांच्या अभिभाशणा वयले चर्चेक जाप दितना मुख्यमंत्र्यान ही म्हायती दिली. अभिभाशणा खातीर राज्यपालांंक परबीं दिवपी थारावाचेर सभाघरांत चर्चा जाली. विरोधी पक्ष फुडारी युरी आलेमांव, आमदार देविया राणे, विरेश बोरकार, मायकल लोबो, राजेश फळदेसाय हांचीं भाशणां जालीं.
मुख्यमंत्री डॉ. प्रमोद सावंत हांणी निमाणे चर्चेक जाप दिली.
आतां मेरेन चार ब्लॉकांची पावणी जाल्या. हातूंतल्या दोन ब्लॉकांक राज्य पर्यावरण मुल्यांकन प्राधिकरणाक पर्यावरणीय दाखलो दिवप शक्य जातले. हेर दोन ब्लॉकांक पर्यावरण दाखल्या खातीर केंद्रा कडेन अर्ज करचो पडटलो. डंप धोरण तयार करून डंपाची निर्यांत जातली. जो म्हाल आसा ताची ई पावणी जातली. ऑक्टोबर मेरेन खण वेवसाय सुरू जातलो, अशें मुख्यमंत्री डॉ. प्रमोद सावंत हांणी सांंगलें.
पावणे उपरांत खणी सुरू जावपाक कितलो वेळ लागतलो, असो मुद्दो युरी आलेमांव हांणी उपस्थीत केल्लो.
2024 सावन नव्या शिक्षणीक धोरणाची कार्यवाही 2024 सावन नव्या शिक्षणीक धोरणाची कार्यवाही सुरू जातली. नर्सरीची नोंदणी पुराय जावन नवो अभ्यासक्रम तयार जाला. शिक्षकांक प्रशिक्षण दिवपाची प्रक्रिया सुरू जातली. शेती म्हाविद्यालयांत फुडल्या वर्सा एमएससी अभ्यासक्रम सुरू जातलो. संजिवनी साकर कारखान्यांत इथेनॉल तयार करपाची निविदा सरकारान फुडें धुकल्ल्या. तारवट्यां खातीर पेन्शन येवजण कायम स्वरूपी जातली. येत्या अर्थसंकल्पांत निधीची तजवीज जातली, अशें मुख्यमंत्री डॉ. प्रमोद सावंत हांणी सांगलें.
राष्ट्रीय खेळां सर्ती खातीर सुविधा उबारपाचो वावर सुरू आसा. राष्ट्रीय खेळां सर्त गोंयांतूच जातली, अशी हमी मुख्यमंत्र्यान
दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
