भांगरभूंय | प्रतिनिधी
धा हजार कील नुस्तें जप्त
भांगरभूंय प्रतिनिधी
मडगांव: एसजीपीडीए नुस्त्या मार्केटा भायर बेकायदेशीर नुस्तें विकप्यांचेर मडगांव पालिकेन कारवाय करून सुमार धा हजार कील नुस्तें जप्त केलें आनी सोनसड्या वयल्या कोयरा यार्डात व्हरून उडयलें.
गोंयां भायले लोक बेकायदेशीरपणान नुस्तें विकताले. हें नुस्तें खावपा सारकें नासले अशी माहिती मडगांव पालिकेच्या एका वरिश्ठ अधिकाऱ्यान दिली. जप्त केल्लें नुस्तें सोनसड्यार व्हरून उडयतले अशें सांगलें.
बेकायदेशीर नुस्तें विकप्यांचेर कारवाय केले उपरांत गोंयां भायले नुस्तेकार आनी पालिका अधिकारी हांचे मदीं वाद जालो. ताचो व्हिडिओ वायरल जाला.
फाटलीं कितलींशींच वर्सां मार्केटांत पारंपरीक नुस्तें विकप्यांनी पालिकेचे हे कारवायेक येवकार दिला आनी उपकार मानल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
