भांगरभूंय | प्रतिनिधी
भांगरभूंय । प्रतिनिधी
पणजीः एलईडी लायटीन दर्यांत जावपी नुस्तेमारीचेर आळबंद हाडपा खातीर राज्य सरकारान केंद्र सरकाराक 14 तेळणी बोटी विकत्यो घेवपाचो प्रस्ताव सादर केला. हाचेर जाता तितल्या बेगीन निर्णय घेवंन हो प्रस्न सुटावो करपाचो आदेश उच्च न्यायालयाच्या गोंय खंडपिठान केंद्रीय नुस्तेंमारी मंत्रालयाक दिला. हे विशींची फुडली सुनावणी 7 डिसेंबराक दवोरल्या.
एलईडी लायटीन नुस्तेमारी करपाक बंदी घालपाची मागणी करपी याचिका गोंय फावंडेशनान खंडपिठांत केल्या. ज्योकीम मेंडीस आनी हेरांनी अशीच याचिका सादर केल्या. खंडपिठान केल्ले सूचोवणे वयल्यान नुस्तेमारी खात्यान विशेश स्वतंत्र दर्या अंमलबजावणी विंग स्थापन करपाचो निर्णय घेवन फुडले कार्यवाही खातीर तो सरकारा कडेन धाडला. तशेंच 14 तेळणी बोटी घेवपाचो प्रस्ताव धाडला अशें राज्याचो अॅडव्होकेट जनरल देविदास पांगम हांणी खंडपिठाक सांगलें. ते उपरांत तांणी केंद्रीय नुस्तेमारी मंत्रालयाक ताचेर निर्णय घेवपाचो आदेश दिलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
