भांगरभूंय | प्रतिनिधी
पणजी: मॉस्कोच्या क्रोकस एक्स्पोंत १८ ते २० मार्च २०२५ ह्या काळांत जावपी आनी रशियेच्या मुखेल प्रवासी वेपार प्रदर्शनां मदले एक आशिल्लें मॉस्को इंटरनॅशनल ट्रॅव्हल अँड टुरिझम एक्झिबिशन (एमआयटीटी) २०२५त गोंय पर्यटन वांटेकार जातलें.
एक लोकप्रीय थळ म्हणून, गोंय राज्य आपल्या दोलायमान संस्कृतीन आनी विवीध अणभवां सयत अभ्यागतांक आकर्शी करता. एमआयटीटी २०२५त आपले हजेरेंतल्यान, रशियन प्रवासी उद्देगा कडेन संबंध घटमूट करप, शाश्वत आनी पुनरुत्पादक पर्यटन चालीक लावप आनी राज्याचें समृद्ध दायज, योग आनी वेलनेस पर्यटन, साहसी पर्यटन आनी जेवणाचें प्रदर्शन करप, हो गोंय पर्यटनाचो हेत. एमआयटीटींतल्या गोंय पर्यटनाचें दालन हें राज्याचें आकर्शण, हांगच्या शांत बॅकवॉटर पर्यटन, पांचव्या पर्यटनाचे उपक्रम आनी येवपी उत्सव ठळकपणान सादर करतले.
गोंयचे पर्यटन मंत्री, रोहन खंवटे हांणी, एमआयटीटी मॉस्को हें प्रदर्शन आमचे खातीर रशियन प्रेक्षकां वांगडा बरे संबंद वाडोवपाची आनी दर्यादेगांच्या पलतडचें एक गंतव्यस्थान म्हणून गोंयचें आकर्शण वाडोवपाची एक बरी संद दिता. गोंय फकत ’सन अँन्ड सॅण्ड’ न्हय – जाल्यार गोंय हें संस्कृती, वेलनेस, धिटाय आनी शाश्वत पर्यटनाचो दोलायमान असो अणभव. आमी आमच्या पर्यटन सेवांचो विस्तार करतना, रशियन प्रवाशांक गोंयचें दायज, सैमा खाला प्रदेश आनी अविस्मरणीय उगडासांचें वचन दिवपी विसर्जीत अणभव घेवपाक येवकारतात.
गोंयचे पर्यटन संचालक केदार नायक हांणी, गोंय पर्यटनाच्या वांट्या विशीं उलयतना तांणी सांगलें, गोंय हें एक समृद्ध दायज, दोलायमान संस्कृती आनी शाश्वत पर्यटन पद्धती आशिल्लें ठिकाण. एमआयटीटींत आमी गोंयच्या आगळ्या वेगळ्या सेवांचें प्रदर्शन करपा खातीर आनी जापसालदार आनी पुनरुत्पादक पर्यटन चालीक लावपी सहकार्यांक उर्बा दिवपाक उत्सू आसात. गोंयचें सौंदर्य आनी चैतन्य अणभवपाक आमी संवसाराक येवकार दितां.
गोंय पर्यटन, एमआयटीटी मॉस्कोचे फाटभूंयेर १७ मार्च २०२५ दिसा रशियांतल्या येकातेरिनबर्ग हांगा एक विशेश रोड शो आयोजीत करतलो. ह्या उपक्रमाचो हेतू, रशियन प्रवासी उद्देगांतल्या मुखेल भागधारकां कडेन सरळ संपर्क करप, गोंयच्यो नव्यो नव्यो पर्यटन सेवा, शाश्वत प्रवास उपक्रम आनी येवपी कार्यावळीं विशीं अंतर्दृष्टी दिवप हो आसा. ह्या रोड शोंत प्रवासी ववसायिकांक गोंयच्यो खंयच्यो सेवा आसात, ते विशीं खोलायेन म्हायती दिवपा खातीर सादरीकरण वा नेटवर्किंग आनी संवादात्मक सत्रांचें आयोजन करतले.
रशिया हें गोंयां खातीर मुखेल आंतरराष्ट्रीय बाजारपेठां मदलें एक. एमआयटीटी २०२५ त राज्याचो वांटो हो घटमूट पर्यटन दिवपा घेवपा आनी अभ्यागतांक बरो अणभव दिवपाचे आपले वचनबद्धतेची पुष्टी करताा. गोंय पर्यटन येवप कार्यावळी , उत्सव आनी उपक्रमांक हांगा उर्बा दितले. हाचो हेतू वेलनेस सोदपी, साहसी उमेदी पर्यटक आनी दायज मोगीं खातीर विवीध पर्यटकांच्या पंगडाक, आकर्शीत करपाचो आसा. एमआयटीटी २०२५ त राज्याचो वाटो हो घटमूट पर्यटन दिवपा घेवपा आनी अभ्यांगतांक खास दिवपी आमच्या वचनाची पुश्टी करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
