भांगरभूंय | प्रतिनिधी
भांगरभूंय । प्रतिनिधी
म्हापशेंः भाजपा फुडारी सोनाली फोगट संबंदीत घुंवळे वखदां प्रकरणातलो दुबावीत कर्लिस क्लबाचो एडवीन नूनीस हाणे ताका मंजूर केल्ल्या सशर्त जामिनातल्यो अटी मोडले खातीर ताचो हो जामीन रद्द करपाची मागणी हणजूण पुलिसांनी उत्तर गोंय जिल्हो आनी सत्र न्यायालयांत केला. फुडलां कांय दिसांत ताचेर सुनावणी जातली.
सशर्त जामिनांत घातिल्ले अटी प्रमाण नूनीस हाका जाय तेन्ना तपास अधिकाऱ्या सामकार हजर रावपाक सांगिल्लें. हणजूण पुलिसांनी ताका 20 सप्टेंबराक पुलीस स्टेशनांत हाजीर रावपाक सांगल्लें. मात गैरहाजीर रावंन ताणे अट मोडिल्ल्यान जामीन रद्द करपाची मागणी पुलिसांनी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
