भांगरभूंय | प्रतिनिधी
भांगरभूंय । प्रतिनिधी
पणजीः हैदराबाद घुंवळी वखदां तस्करी प्रकरणांत कर्लिस क्लबाचो एडवीन नुनिस निमाणे उस्मानिया विद्यापीठ पुलीस स्टेशनाांत शरण आयिल्ल्यान ताका तांणी अटक केली. थंयच्या न्यायालयान ताका न्यायालयीन कस्टडींत दवोरपाक सांगलां.
घुंवळी वखदां प्रकरणात उस्मानिया पुलीस अटक करपाची शक्यताय आशिल्ल्यान नुनिस हाणे हैदराबाद मेट्रोपॉलिटन सत्र न्यायालयांत अटकपूर्व जामिना खातीर अर्ज केल्लो. तो भारायल्यान ताणे तेलंगणा उच्च न्यायालयांत जामीना खातीर अर्ज केल्लो. तो लेगीत भायर मारिल्ल्यान निमणे ताणे उस्मानिया पुलिसां सामकार शरणागती पत्करली.
घुंवळी वखदां प्रकरणात हैदराबाद हांगच्या नाल्लाकुंटा पुलिसांनी फाटल्या 1 ऑगस्टाक हणजूण हांगच्यान प्रितेश बोरकाराक अटक केल्ल्यान एडवीन नुनिस हाचे घुंवळी वखदां वेव्हारातले संबंद उक्ताडार आयिल्ल्यान उस्मानिया पुलिसांनी ताची चवकशी सुरू केल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
