भांगरभूंय | प्रतिनिधी
भांगरभूंय । प्रतिनिधी
पणजीः सेगीत आशिल्ल्या सुटयां निमतान फाटल्या सप्तकांत गोंयांत व्हडा प्रमाणात पर्यटक आयिल्ले. ताका लागून दृश्टीचे लायफ गार्ड दर्या देगांनी सतर्क आशिल्ले. पाळोळे, बाणावली आनी सिकेरी दर्या देगेर मेळून तांणी एका एका चार वर्सा पिरायेच्या भुरग्या सयत पांच जाणांक बुडपा पसून वाटायलें.
पाळोळें दर्यांत 22 तें 24 पिरायेचो दोन दादल आनी एक बायल नेटान आयिल्ल्या ल्हाराक लागून दर्यांत खोल उदकांत पावलीं. अशोक, नीलेश आऩी जयेश ह्या लायफ गार्डांनी तांकां वाटायलें. बाणावयले एक 14 वर्सां पिरायेचो चलो सायकल रायड करतना नियंत्रण वचून दर्यांत पडलो. सागर ह्या लायफ गार्डान ताका वाटायलो. सिकेरी एक चार वर्सांचो भुरगो चुकून उदकांत पावलो. लायफ गार्डाचे नदरेक तो पडले उपरांत ताणे ताका उदकांतल्यान भायर हाडलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
