भांगरभूंय | प्रतिनिधी
ब्रिटनः भारतीय वंशाचे ब्रिटनचे फुडारी ऋषी सुनक हांणी (25 ऑक्टोबराक) प्रधानमंत्रीपदाचो पदभार स्विकारलो. प्रथे प्रमाण ब्रिटनचे राजा किंग चार्ल्स हांणी सुनक हांची अधिकृतरितीन ब्रिटनचे प्रधानमंत्री म्हूण नेमणूक केल्या. सुनक हे ब्रिटनचे फाटल्या चार वर्सांतले पांचवे प्रधानमंत्री. ते भायर ते आदले अर्थमंत्रीय आसात. प्रधानमंत्रीपदाचे सत्ताधारी हुजूर पक्षांत पेनी मॉरडॉट आनी ऋषी सुनक हांचे मदीं सर्त आशिल्ली.
पदभार स्विकारले उपरांत सुनक हांणी म्हणलें, आपल्या देशाचें नेतृत्व करपाक तुमचे मुखार उबो आसा. देशाचे उदरगती खातीर राजकारणाच्या पलतडी विचार करतलो. पक्षाच्या विचारा प्रमाण सरकार चलोवपाचो यत्न करतलों, सगले जाण वांगडा आसल्यार खूब कितें करपाक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
