भांगरभूंय | प्रतिनिधी
नवी दिल्लीः उपराष्ट्रपती जगदीप धनखड 20 ते 22 मे मेरेन तीन दिसांचे गोंय भेंवडेर आसतले. ह्या भेटी वेळार उपराष्ट्रपती 21 मे दिसा मुरगांव बंदराक भेट दितले आनी थंय बंदरा संबंदीत नवे प्रकल्प राष्ट्राक समर्पीत करतले आनी मुरगांव बंदर प्राधिकरणाच्या वरिश्ठ अधिकारी आनी कर्मचाऱ्यां कडेन संवाद सादतले.
तशेंच मुरगांव बंदरांत तैनात आशिल्ल्या भारतीय कोस्ट गार्डाच्या बोटीचेर आशिल्ल्या वरिश्ठ अधिकाऱ्यां कडेनय धनखड संवाद सादतले.
22 मे दिसा उपाध्यक्ष इंडियन कावंन्सील ऑफ एग्रीकल्चरल रिसर्च (आयसीएआर)-सेंट्रल कोस्टल एग्रीकल्चरल रिसर्च इन्स्टिट्यूट (सीसीएआरआय) हाकांय ते भेट दितले आनी थंय प्राध्यापक आनी शास्त्रज्ञां कडेन संवाद सादतले.
गोंय भेटी वेळार उपराष्ट्रपती राजभवनाकय भेट दितले. राजभवनाच्या आवारांत चरक आनी सुश्रुत हांच्या पुतळ्यांचें अनावरण करतले. आयुर्वेदांत चरकाचें योगदान आनी शस्त्रक्रिया मळार सुश्रुताचें योगदान हांच्या सन्माना खातीर हे पुतळे उबारल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
