भांगरभूंय | प्रतिनिधी
भांगरभूंय । प्रतिनिधी
म्हापशें: गिरी म्हापश्यां जमनी पोंदच्यान घातिल्ली उदकाची पायप लायन फुटिल्ल्यान सर्वीस रस्तो नेमलो. उदकाची पायपलायन फुटिल्ल्यान हजारांनी उदकाची नासाडी जाली.
एके म्हाल व्हरपी रिक्षा चालकान दाखयिल्ले शिटुकसाण दाखयत रस्त्याचे रिक्षा आडवी घातली. हाका लागून प्रवाशी बसीचो अपघात वाटावलो. उदका पुरवण विभागान झुजा पांवड्यार काम हातांत घेवन रातीं उसरां मेरेन पायपलायनीची दुरुस्ती
केली.
ही घडणूक शेनवारा सकाळीं 9.45 वरांच्या सुमाराक घडली. गिरी वाठारांतल्या ग्रीन पार्क जंक्शना लागसारचो हो सर्वीस रस्तो नेमलो. ह्या रस्त्या पोंदच्यान गेल्ली उदकाची पायपलायन फुटिल्ल्यान हो रस्तो नेमलो. हे पायपलायनींतल्यान साळगांव, कळंगूट सयत हणजूणें आनी पर्वरीच्या कांय वाठारांत उदका पुरवण जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
