भांगरभूंय | प्रतिनिधी
अखील भारतीय फुटबॉल म्हासंघा वतीन (एआयएफएफ) गोंयच्या बायलां खातीर चार दिसांचें ‘ई’ प्रमाणपत्र अभ्यासक्रम आयोजीत केला. बांबोळीच्या अॅथलेटीक स्टेडियमाचेर आयोजीत केल्ल्या ह्या फुकट अभ्यासक्रमा काीतर 22 जाणांनी वांटो घेतिल्लो.
10 सप्टेंबरा पसून सुरू जाल्ल्या सर्वसमावेशक चार दिसांच्या अभ्यासक्रम सिद्धांत आनी वेव्हारीक सत्रांनी विभागिल्लो. प्रशिक्षणार्थ्यींक जीएफडीसी मयें, जीएफडीसी पैरां, जीएफडीसी हळदोणें, जीएफडीसी सावियो वेर्ें आनी डीएफडीसी सांताक्रूज ह्या पांच केंद्रांतल्यान घेतिल्लीं.
कार्यावळी खातीर जीएफडीसीच्या प्रशिक्षणांर्थींक लेगीत आमंत्रीत केल्लें. प्रशिक्षण पंगडांत केरळांतल्या एआयएफएफ अभ्यासक्रमाचे शिक्षक दीपक सीएम आनी बायलां फुटबॉलाक उर्बा दिवपाक गोंय खेळां प्राधिकरण वरवीं नेमणूक केल्ल्या मायमोल रॉकी हाचो आस्पाव आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
