इलेक्ट्रॉनिक पुस्तकां वा हार्ड कव्हर पुस्तकां?

भांगरभूंय | प्रतिनिधी

पुस्तकां हें मनशाचे सगल्यांत बरें इश्ट. ते आमकां शिक्षण दितात आनी मनशाची सगळ्यांत मोलादीक संपत्ती. एक असभ्य मनशाचें सुसंस्कृत मनशांत रुपांतर करपाक खऱ्यांनीच मुखेल भुमिका करपी पुस्तकांक काळजा सावन आभार.
हुंवार, जागतीक उश्णताय, झाडा सकयल सावळी वा प्राणवायु ना. झाडां खंय आसात तर? आमच्यो गरजो भागोवपा खातीर तीं कापतात. कागदा खातीर दर वर्सा संवसार भरांत सुमार चार अब्ज झाडां कापतात. हार्ड कव्हर पुस्तकां म्हणल्यार चड झाडां कापप. धरतरेर थोडींच झाडां उरलीं जाल्यार पाचवोचार सैम उणो जातलो आनी पर्यावरणाचे प्रस्न वाडटले, हें स्पश्ट आसा. तंत्रगिन्यान फुडें वचत आसा. आयज सादारणपणान सगळें फकत एका क्लिकाचेर आसा. हार्ड कव्हर पुस्तकां परस इलेक्ट्रॉनीक पुस्तक वा ई-बुक हो एक बरो पर्याय. एका साधनांत जायतीं पुस्तकां आसतात, सुलभ, परवडपी, सहज वाचपाक येवपी आनी हेर खाशेलपणां आशिल्ल्यान ई-पुस्तक छापील पुस्तका परस खूब फायदेशीर थारता.
आतां संवसार डिजिटल जावपाक लागला म्हणून एकाच वेळार आमी चड पर्यावरणीय जावपाक जाय. आमी झाडां सांबाळ्ळीं जाल्यार तीं आमची काळजी नक्कीच घेतलीं. आमी जें वाचयतात तें निमाणे कडेन आमकां वाचयतले.

वालांका जिल्डा रेबेलो
8007184456