भांगरभूंय | प्रतिनिधी
नवी दिल्ली, खबरां संस्था: इझ्रायला आनी इराणा मदल्या झुजांत इराणांत आडकल्ल्या सुमार १०,००० भारतीयांक आर्मेनिया मार्गान भायर काडपाचें काम चालू आसा. ११० भारतीय विद्यार्थ्यांचो पयलो गट सोमारा रातीं नोरुड्झ शिमेचेर (इराण- आर्मेनिया शीम) पावलो.
हांगच्यान तांकां आर्मेनियांतल्या येरेवन विमानतळार व्हरतले, थंयच्यान ते भारतांत परततले. सगल्यांत पयलीं तेहरान, शिराझ आनी कोम शारांत आडकल्ल्या १५०० विद्यार्थ्यांक परत हाडटले.
इराणान म्हणिल्लें, परदेशी नागरीक देश सोडून वचपाक शकतात. हे खातीर शिमो उक्त्यो आसात. उपरांत, परराष्ट्र मंत्री एस जयशंकर हांणी आर्मेनियाचे परराष्ट्र मंत्री अरत मिर्झायान हांचे कडेन चर्चा केली. मात इझ्रायलांत आडकल्ल्या २५,००० भारतीयांक भायर काडपाची आजूनय कसलीच येवजण ना. भारतीय दूतावास तेल अवीवांत रावपी भारतीयांच्या संपर्कांत आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
