भांगरभूंय | प्रतिनिधी
खबरां संस्था
इस्लामाबादः पाकिस्तानाच्या एका न्यायालयान अल कादीर ट्रस्टा कडेन संबंदीत भ्रश्टाचार प्रकरणांत शुक्रारा आदले प्रधानमंत्री इम्रान खान हाका 14 वर्सांची जाल्यार ताची घरकान्न बुशरा बीबी हिका 7 वर्सांचे बंदखणीची ख्यास्त फर्मायल्या. ह्या दोगांचेर राष्ट्रीय तिजोरीचे 50 अब्ज पाकिस्तानी रुपयांचें लुकसाण केल्ल्याचो आरोप आसा. इम्रान खान हाका 9 मे ह्या दिसा अल- कादीर ट्रस्ट प्रकरणांत अटक केल्ली. ते उपरांत देशांतल्या खूबश्या म्हत्वाच्या लश्करी तळांचेर हल्ले जाले. खान हांचो पक्ष पीटीआयन हे अटके आड सर्वोच्च न्यायालयांत अपील केल्लें.
इम्रान खान ऑगस्ट 2023 सावन अदियाला बंदखणींत आसा. ताका ख्यास्त फर्मावचे खातीर तात्पुरतें बंदखण न्यायालय स्थापन केल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
