भांगरभूंय | प्रतिनिधी
दाबाळच्या इमॅक्युलेट कॉन्सेप्शन हायस्कुलान, वाड्डें सांगेंच्या सरकारी हायस्कुलान आनी गालजीबाग-काणकोणच्या सेंट अॅंथनी हायस्कुलान दक्षीण जिल्हो 17 वर्सां पिराये सकयले चलयांचे सुब्रतो मुखर्जी फुटबॉल सर्तीचे सेमी फायनलींत सुवात मेळयली. मॅची धर्मापूर फुटबॉल मैदानाचेर जाल्यो.
पयले मॅचींत इमॅक्युलेट हायस्कुलान वास्कोच्या सेंट अॅण्ड्र्यू उच्च माध्यमीक विद्यालयाक 3-0 अशा गोल फरकांनीह ारयलो. सपन गांवकारान दोन जाल्यार प्रज्ञा गांवकार हांणी एक गोल केलो.
दुसरे मॅचींत वाड्डें सांगेंच्या सरकारी हायस्कुलान आरपीआरएस हायस्कुला आड 2-1 फरकान जैत जोडलें. वाड्डें वतीन मायानी गांवकारान दोन गोल केले, जाल्यार सेलिना परेरान आरपीआरएसा वतीन एक गोल केलो.
दिसाचे तिसरे आनी निमाणे मॅचींत सेंट अॅंथनी हायस्कुलान केपेंच्या पॉप जॉन XXIII हायस्कुलाक 4-1 अशा व्हडा फरकान हारयलें. वेलेनी रिबेलोन दोन आनी शर्लीन फर्नांडीस आनी श्रुती पागी हिणें दरेकी एक गोल केलो. पॉप जॉना वतीन फक्त प्रेन्ली फर्नांडीसान एक गोल केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
