भांगरभूंय | प्रतिनिधी
विरोधा उपरांंत नगर नियोजन मंत्री जाले मवाळ, 16 ब कलमा खालचे सगले प्रस्ताव जातले रद्द
भांगरभूंय I प्रतिनिधी
पणजी : राजकी पक्ष तशेंच बिगर सरकारी संंघटणांंच्या खर विरोधा उपरांंत नगर नियोजन कायद्या खाला गोंय जमीन उदरगत आनी इमारत बांंदकाम नियमन 2022च्यो प्रस्तावीत दुरुस्त्यो रद्द करपाची घोशणा नगर नियोजन मंंत्री विश्वजीत राणे हांंणी केल्या. तज्ञांंची समिती, बिगर सरकार संंघटणा तशेंच संंबंंदीत घटकांं कडेन चर्चा करून नव्यान मसुदो तयार करतले, अशें मंंत्री राणे हांंणी सांंगलें.
मंत्री राणे हांंचो शेळ – मेळावले आयआयटी प्रकल्प हाडपाचो यत्न आसलो. हे खातीर जमीन निश्चीत करून प्रकल्पाचो आराखडोय तयार जाल्लो. शेळ – मेळावलेच्या लोकांनी आयआयटी विरोधांत खर आंंदोलन केल्लें. ह्या आंंदोलनाची धग वाडपाक लागले उपरांंत शेळ – मेळावलीचो आयआयटी प्रकल्प रद्द करपाचो निर्णय सरकारान घेतलो. आयआयटी खातीर मंंत्री राणे हांंचोच आग्रो आशिल्लो. आयआयटी उपरांंत आतां नगर नियोजन खात्याच्या इमारत बांंदकाम नेमाच्यो प्रस्तावीत दुरुस्त्यो सरकाराक रद्द करच्यो पडल्यो. नगर नियोजन मंंत्री विश्वजीत राणे हांंणीच ही घोशणा केल्या. लोकांंचो विरोध तशेंच आंंदोलनाक लागून दुसरे खेपे मंत्री राणे हांकां फाटीं सरचे पडलें.
राबितो वाठारांत गोल्फ कोर्स, फिल्म सिटी, चित्रीकरण स्टुडियो, फार्म हावसाक मान्यताय दिवपा खातीर दुरुस्तीचो प्रस्ताव आशिल्लो. शेत जमनींत फार्म हावस उबारपाची तजवीज दुरुस्तींत आशिल्ली. स्टार हॉटेलांचो एफएआर वाडोवपा सयत बेकायदाे बांंदकामां कायदेशीर करपाची तजवीज आशिल्ली. आम आदमी पक्षाच्या आमदारांंनी विरोध करपी निवेदन नगर नियोजन खात्याक दिलें. हे दुरुस्तीच्या विरोधांत सगल्यांत पयलीं रिव्होल्युशनरी गोवन्सान शुक्रारा आंंदोलन केल्लें. नगर नियोजन कार्यालय इमारती भायर तांंणी धरणें धरिल्लें. तशेंच तांंणी हरकतींचें निवेदन सादर केल्लें. हाचे उपरांंत सोमारा तृणमूल काँग्रेसीन आझाद मैदानाचेर निदर्शनां केलीं. गोवा बचाव अभियाना सयत हेर बिगर सरकारी संंघटणांंनी लेगीत हे दुरुस्तींक विरोध केल्लो. तृणमूल काँग्रेसीच्या निदर्शनां उपरांंत कांय खिणांंत नगर नियोजन मंंत्र्यान दुरूस्त्यो रद्द करपाची घोशणा केली.
नगर नियोजन कायद्या खाला नेमांत दुरुस्ती करपा विशींची अधिसुचोवणी सरकारान जारी केल्ली. हरकती तशेंच सुचोवण्यो मागपा खातीर दोन म्हयन्यांंची मुजत दिल्ली. हजारांंनी सुचोवण्यो तशेंच हरकती नगर नियोजन खात्या कडेन सादर जाल्यात. दोन म्हयन्यांंची मुजत आयज सोंपली. मुजत सोंपचे आदीं दुरूस्तींच्या विरोधांतलें आंंदोलन खर जालें. आयतारा साश्ट म्हालांतल्या ग्रामसभांंनी दुरुस्तीचो विशय आयलो. सगल्या ग्रामसभांंनी दुरूस्तीक विरोध जाल्लो.
सुचोवण्यांंची मुजत दोन म्हयन्यांंनी वाडोवपा सयत दुरुस्ती स्थगीत दवरपाचो निर्णय मंंत्री राणे हांणी जाहीर केल्लो. कांय खिणा उपरांंत दुरुस्ती स्थगीत दवरपाच्या निर्णयांत बदल करून प्रस्ताव रद्द करपाचें तांंणी जाहीर केलें. घोशणेची चित्रफीत नगर नियोजन मंंत्र्यांन जारी केली.
कांय फुडारी लोकांंची दिशाभूल करतात. पर्यटन थळांचे सुवातीचेर गोल्फ कोर्स आसतातूच. गोल्फ कोर्साची ताकतीक सरकार करिना. प्रादेशीक आराखड्या खाला सरकार कायदे करपाक सोदता.
उदरगती खातीर दुरुस्तीचो प्रस्ताव
पारदर्शकपणान राज्याची उदरगत करपाच्या उद्देशान जमीन उदरगत आनी बांंदकाम नेमांत दुरुस्ती करपाचो आपलो यत्न आसलो. हातूंत कसलोच सुवार्थ ना. राज्याचे उदरगतीचोच उद्देश आसा. ह्यो सगल्यो दुरुस्ती रद्द केल्यात. नेमांत दुरुस्ती करपा खातीर तज्ञांंची समिती स्थापन जातली. ही समिती राजकी पक्ष, बिगर सरकार संंघटणा तशेंच संंबंंदितां कडेन चर्चा करून मसुदो तयार करतली. हाका लागून पयलीचो मसुदो स्थगीत दवरपांत अर्थ ना. सगली प्रक्रिया नव्यान जातली, अशें मंत्री राणे हांंणी सांंगलें.
16 ब खालचे सगले प्रस्ताव रद्द
प्रस्तावाचो विचार करून जमीन रुपांंतरणाक मान्यताय दिवपा खातीर सरकारान नगर नियोजन कायद्यांत 16 ब कलमाचो आस्पाव केल्लो. ह्या कलमा खाला कांय प्रस्ताव मंंजूर जाल्लें. ह्या कलमा खाला परवानो मेळिल्लें सगले प्रस्ताव रद्द जाल्यात. ह्या कलमाक आव्हान दिवपी याचिका खंंडपिठांत आसा. सगले प्रस्ताव रद्द जाल्याचें प्रतिज्ञापत्र सरकार खंंडपिठांत सादर करतलें. नगर नियोजन मंत्र्यान ही घोशणा केल्या.
मुख्यमंत्र्यां कडेन चर्चा करचे आदींच घोशणा
काँग्रेसच्या आठ आमदारांंनी भाजपांत प्रवेश केले उपरांंत मंंत्रीमंंडळ फेररचणुकेची चर्चा सुरू आसा. नव्या मंंत्र्यांंचो आस्पाव करपा सयत मंंत्र्यांंच्या खात्यांंनी बदल जातलो, अशी चर्चा आसा. ही चर्चा सुरू आसतनाच गोंय जमीन उदरगत आनी बांंदकाम नेमाच्यो प्रस्तावीत दुरुस्ती रद्द करपाची घोशणा तांंणी केल्या. मुख्यमंंत्री डॉ. प्रमोद सावंंत हांंचे कडेन चर्चा करचे आदींच तांंणी ही घोशणा केल्या.
प्रस्ताव रद्द करपाचो निर्णय योग्य: सरदेसाय
नगर नियोजन कायद्याच्या कलम 16 ब सकयले प्रस्ताव रद्द करपाचो निर्णय योग्य आसा. अापूण ह्या निर्णयाक येवकार दितां, अशें गोवा फॉरवर्डाचे मुखेली आनी आमदार विजय सरदेसाय हांंणी म्हणलें. 16 ब हाडपाचो उद्देश आसलो तो साध्य जालो ना. ताचो गैरवापर चड जालो. नगर नियोजन खात्या खातीर स्वतंंत्र दक्षता फांटो सुरू करचो आनी चवकशी करची, अशी मागणी तांंणी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
