भांगरभूंय | प्रतिनिधी
भांगरभूंय । सुहासिनी प्रभुगांवकार
पणजीः भारताचो आंतरराष्ट्रीय चित्रपटांचो उत्सव- इफ्फी कांय नॉन फिचर फिल्मांय घेवन येता. पर्यावरण, जनावरां विशीं म्हायती दितना मनीस आनी जनावरां भितरले तंटे सोपोवंक आदार दिता. अशेच हती आनी ‘हातीबंधू’ गोंयांत अंदू इफ्फींतल्यान आयल्यात. ते सत्तरी, सांगें मेरेन पावत?
मनीस जनावरांच्या घर, घराब्याचेर जेन्ना घुरी घालतात तेन्ना रानवटी जनावरां, गोरवां मनशान रोविल्लें शेत, कुळागरां खातात, चिड्डून माड्डून उडयतात. पूर्वांचलांत अशोच गजाली घडटाल्यो. हती आनी मनशा भितर तंटे जावंक लागले. हती, मनीस मरपाक लागले. तेन्ना ‘हातीबंधू’ हो पंगड घडलो. ह्या पंगडान हतयां खातीर वेगळो कॉरिडॉरूच न्हय जाल्यार
हतयां पासत खावड शेतांतल्यान तयार केली. मनीस आनी हती एकामेकांचें इश्टय जाले.
थळाव्यांक येणावळीचें साधन मेळ्ळें. ह्या ‘हातीबंधू’ची काणी कृपाल कालिता ह्या दिग्दर्शकान सांगल्या. सबिता देवी फिल्माची निर्माती आसा. फिल्मांत पर्यावरणमोगीच न्हय जाल्यार रानां राखणेय आसात. सरकारान हें फिल्म गोंयच्या सत्तरी, सांगें, काणकोण, धारबांदोडें, पेडणें वाठारांतल्या लोकां मेरेन पावोवपाक जाय. मंत्री, आमदारांनी हें फिल्म पळोवपा सारकेंच आसा. फिल्माचे दिग्दर्शक, निर्माते इनामां जोडपी आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
